కలాం ఆశయాలు యువతకు ఆదర్శం అవనిగడ్డలో వైఎస్సార్‌సీపీ ఘన నివాళులు
అవనిగడ్డ, అక్టోబర్ 14 మేజర్ న్యూస్: భారత మాజీ రాష్ట్రపతి, భారతరత్న డాక్టర్ ఏ.పి.జె. అబ్దుల్ కలాం జయంతిని పురస్కరించుకుని అవనిగడ్డలోని వైఎస్సార్‌సీపీ కార్యాలయంలో బుధవారం ఆయన చిత్రపటానికి పూలమాలలు వేసి ఘనంగా నివాళులర్పించారు. నియోజకవర్గ మాజీ ఎమ్మెల్యే సింహాద్రి రమేష్ బాబు ఆదేశాల మేరకు మండల పార్టీ అధ్యక్షుడు రేపల్లె శ్రీనివాసరావు ఆధ్వర్యంలో ఈ కార్యక్రమం నిర్వహించారు.
ఈ సందర్భంగా నాయకులు మాట్లాడుతూ సాధారణ కుటుంబంలో జన్మించిన అబ్దుల్ కలాం తన ప్రతిభ, క్రమశిక్షణ, నిరంతర కృషి, దేశభక్తితో దేశానికి విశేష సేవలందించి రాష్ట్రపతి స్థాయికి ఎదిగారని కొనియాడారు. ఆయన జీవితం యువతకు స్ఫూర్తిదాయకమని పేర్కొన్నారు. విద్యకు ప్రాధాన్యమిస్తూ కష్టపడి చదివి ఉన్నత లక్ష్యాలను సాధించాలని, దేశాభివృద్ధిలో యువత భాగస్వాములు కావాలని పిలుపునిచ్చారు.
కార్యక్రమంలో వైఎస్సార్‌సీపీ ఎస్సీ విభాగం రాష్ట్ర ప్రధాన కార్యదర్శి నలుకుర్తి రమేష్, పంచాయతీరాజ్ విభాగం కృష్ణా జిల్లా అధ్యక్షుడు సింహాద్రి వెంకటేశ్వరరావు, పార్టీ ప్రచార విభాగం రాష్ట్ర కార్యదర్శి, మాజీ ఉపసర్పంచ్ గాజుల జై గోపాల్, మాజీ కో-ఆప్షన్ సభ్యుడు నజీర్ భాషా, మండల పార్టీ ఉపాధ్యక్షులు గార్లపాటి గోపి, ఖాదిర్ భాషా, రియాజ్ భాషా, అన్నపరెడ్డి పరమాత్మ, మునిపల్లి ఇశ్రాయేలు, కొల్లాల మధుసూదనరావు, కొండవీటి రామ్ ప్రసాద్, చాట్రగడ్డ సుమన్ తదితర నాయకులు, కార్యకర్తలు పాల్గొన్నారు.✍️ అజంతా శ్రీనివాస్, అవనిగడ్డ, కృష్ణాజిల్లా.
