జిల్లా ఆవిర్భావ దశాబ్ది.. - కేసీఆర్, కేటీఆర్ చిత్రపటాలకు పాలాభిషేకం

జిల్లా ఆవిర్భావ దశాబ్ది.. 
- కేసీఆర్, కేటీఆర్ చిత్రపటాలకు పాలాభిషేకం
- వేములవాడ పట్టణ బీఆర్ఎస్ శాఖ ఆధ్వర్యంలో ఘనంగా వేడుకలు

సూర్య, వేములవాడ:
రాజన్న సిరిసిల్ల జిల్లా ఆవిర్భవించి పదేళ్లు పూర్తయిన సందర్భంగా వేములవాడ పట్టణంలో బీఆర్ఎస్ నాయకులు ఘనంగా వేడుకలు నిర్వహించారు. వేములవాడ నియోజకవర్గ ఇన్‌చార్జి చల్మెడ లక్ష్మినరసింహారావు ఆదేశాల మేరకు పట్టణ బీఆర్ఎస్ శాఖ ఆధ్వర్యంలో ఆదివారం నిర్వహించిన ఈ కార్యక్రమంలో మాజీ ముఖ్యమంత్రి, బీఆర్ఎస్ అధినేత కల్వకుంట్ల చంద్రశేఖర్ రావు, బీఆర్ఎస్ వర్కింగ్ ప్రెసిడెంట్ కేటీఆర్ చిత్రపటాలకు పూలమాలలు వేసి పాలాభిషేకం చేశారు.
తెలంగాణలో కొత్త జిల్లాల ఏర్పాటు ద్వారా పాలనను ప్రజలకు మరింత చేరువ చేయాలనే లక్ష్యంతో 2016 అక్టోబర్ 11న రాజన్న సిరిసిల్ల జిల్లా ఏర్పాటైందని ఈ సందర్భంగా బీఆర్ఎస్ నాయకులు గుర్తుచేశారు. జిల్లా ఆవిర్భవించి పదేళ్లు పూర్తయిన సందర్భంగా జిల్లా ఏర్పాటు వెనుక ఉన్న లక్ష్యాలను, గతంలో చేపట్టిన అభివృద్ధి కార్యక్రమాలను స్మరించుకున్నారు.
గత బీఆర్ఎస్ ప్రభుత్వ హయాంలో జిల్లా అభివృద్ధికి ప్రత్యేక ప్రాధాన్యం ఇచ్చారని నాయకులు పేర్కొన్నారు. విద్య, వైద్యం, సాగునీరు, రహదారులు, మౌలిక సదుపాయాల కల్పనకు ప్రభుత్వం కృషి చేసిందని తెలిపారు. ప్రత్యేక జిల్లా కోసం ఉద్యమించిన ఉద్యమకారులను, జిల్లా అభివృద్ధికి కృషి చేసిన నాయకులను ఈ సందర్భంగా స్మరించుకున్నారు.
రాజన్న సిరిసిల్ల జిల్లా అన్ని రంగాల్లో మరింత అభివృద్ధి సాధించాలని, ప్రజల ఆకాంక్షలు నెరవేరాలని బీఆర్ఎస్ నాయకులు ఆకాంక్షించారు. జిల్లా ఆవిర్భావ దశాబ్ది సందర్భంగా పార్టీ శ్రేణులు తమ సంతోషాన్ని వ్యక్తం చేశారు.