భక్తిశ్రద్ధలతో దేవీ నవరాత్రులు ప్రారంభం.…

సూర్య ఆసిఫాబాద్ జిల్లా ప్రతినిధి : ఆసిఫాబాద్ జిల్లా కేంద్రంలో దేవి నవరాత్రులు ఆదివారం నుండి అత్యంత  వైభవంగా ప్రారంభం అయ్యాయి. ఈ సందర్భంగా పట్టణంలోని పలు కాలనీలైన బజారువాడి, పైకాజి నగర్, కంచుకోట, బ్రాహ్మణవాడ, రాజంపేట, న్యు రాజంపేట, గాంధీ చౌక్, వాసవి మాత ఆలయం, అలాగే పలు కాలనీలలో దుర్గ, శారద మాత విగ్రహాలను ప్రతష్టించారు. ఈ నవ రాత్రులు అమ్మవారినీ అత్యంత భక్తి శ్రద్ధలతో కొలుస్తారు.అలాగే ఈ సందర్భంగా రాజంపేట ఓం శ్రీ సాయి దుర్గ మండలి వద్ద ఏర్పాటు చేసిన దుర్గా మండలి వద్ద కొందరు భక్తులు దుర్గామాత మాల ధారణ స్వీకరించారు. వీరికి అర్చకుడు శివ ప్రసాద్ ఆధ్వర్యంలో మాలధారణ గావించి మాలలో ఉన్న సమయంలో చేయవలసిన నియమాలను, నిబంధనలను వివరించారు.