క్యాన్సర్‌తో పోరాటం అనను సరికాదు.. కష్టకాలంలోనూ శరీరానికే తొలి ప్రాధాన్యత ఇస్తూ ప్రేమించా: సోనాలీ బింద్రే

సూర్య ఎంటర్‌టైన్‌మెంట్ డెస్క్: ప్రముఖ బాలీవుడ్ నటి సోనాలీ బింద్రే తన క్యాన్సర్ పోరాట కాలానికి సంబంధించిన అనుభవాలను గుర్తుచేసుకుంటూ చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. ప్రముఖ నటి మాధురి దీక్షిత్ హోస్ట్ చేసిన ప్రత్యేక కార్యక్రమం వేదికగా సోనాలీ బింద్రే తన అనారోగ్య ప్రయాణం గురించి సంచలన విషయాలను పంచుకున్నారు. క్యాన్సర్‌ను ఒక యుద్ధంగా లేదా పోరాటంగా తాను ఎప్పుడూ భావించలేదని, తన శరీరం చెప్పే మాటలను అర్థం చేసుకునేందుకు ప్రయత్నించానని ఆమె వెల్లడించారు. ఎంతటి కష్టకాలంలోనైనా తన శరీరాన్ని ద్వేషించకుండా ప్రేమించాలనే నిర్ణయమే తనను గట్టెక్కించిందని ఆమె తెలిపారు.

మహారాష్ట్రలో ప్రసిద్ధి చెందిన క్విజ్ షో గ్రాండ్ ప్రీమియర్ వేదికగా పాల్గొన్న సోనాలీ బింద్రే, తన జీవితంలో ఎదురైన క్లిష్టమైన దశను వివరించారు. సాధారణంగా ఎవరైనా ప్రాణాంతక వ్యాధి నుంచి కోలుకుంటే క్యాన్సర్‌పై విజయం సాధించారంటూ యుద్ధంలా వర్ణిస్తుంతారని, కానీ ఆ సమయంలో తన ఉద్దేశం ఎవరితోనో పోరాడటం కాదని స్పష్టం చేశారు. అసలు శరీరంలో అలాంటి మార్పులు ఎందుకు జరుగుతున్నాయి, దాని వెనుక ఉన్న ఆంతర్యం ఏమిటనేది తెలుసుకోవడానికే తాను ప్రాధాన్యతనిచ్చానని ఆమె పేర్కొన్నారు. క్యాన్సర్ కణాలు కూడా మన శరీరంలోని భాగమే అయినప్పుడు, మనం మన స్వంత శరీరంతోనే ఎలా పోరాడగలమని ఆమె ప్రశ్నించారు.

శరీరం విపరీతమైన నొప్పితో సతమతమవుతున్న ఆ కఠిన పరిస్థితులలో తనను తాను ప్రేమించుకోవడం చాలా కష్టమైన విషయమని సోనాలీ బింద్రే ఆ రోజులను గుర్తుచేసుకున్నారు. అయినప్పటికీ తన శరీరాన్ని యథావిధిగా అంగీకరించి, ఎంతో ప్రేమతో, కరుణతో దానిని సంరక్షించుకోవాలని నిర్ణయించుకున్నానని చెప్పారు. ఆ సానుకూల దృక్పథమే తనకు మానసిక స్థైర్యాన్ని ఇచ్చిందని, ఆ అనుభవం తన జీవితానికి ఎంతో నేర్పించిందని ఆమె భావోద్వేగానికి గురయ్యారు. నటి సోనాలీ ప్రదర్శించిన ఈ అసాధారణమైన ఆత్మస్థైర్యాన్ని, ధైర్యాన్ని వేదికపై ఉన్న మాధురి దీక్షిత్ తోటి నటీనటులు ఎంతగానో ప్రశంసించారు.

గతంలో తీవ్రమైన మెటాస్టాటిక్ క్యాన్సర్‌ బారిన పడి చికిత్స పొంది పూర్తిగా కోలుకున్న సోనాలీ బింద్రే, ప్రస్తుతం సమాజంలో క్యాన్సర్ బాధితులకు నిరంతరం ధైర్యాన్ని ఇస్తూ ఆదర్శంగా నిలుస్తున్నారు. అనారోగ్యంతో బాధపడేవారు కేవలం వైద్య చికిత్సతో పాటు మానసిక దైఢత్వాన్ని, శరీరంపై ప్రేమను పెంపొందించుకుంటే ఎలాంటి క్లిష్ట పరిస్థితులనైనా ఎదుర్కోవచ్చని ఆమె నిరూపించారు. ఆమె పంచుకున్న ఈ స్ఫూర్తిదాయకమైన మాటలు ప్రస్తుతం సోషల్ మీడియాలో ఎంతోమందికి మానసిక భరోసానిస్తున్నాయి.

Also Read: లలితా దేవి ఆలయంలో దేవి నవరాత్రులు ప్రారంభం