నవరాత్రి ఉత్సవాల్లో పాల్గొన్న రాజా

నేటి దినపత్రిక సూర్య బ్యూరోరాజమహేంద్రవరం

నగరంలో ఆదివారం ప్రారంభమైన దేవీ నవరాత్రి మహోత్సవాల్లో వైఎస్సార్ కాంగ్రెస్ పార్టీ రాష్ట్ర యువజన విభాగం అధ్యక్షుడు, రాజానగరం మాజీ ఎమ్మెల్యే జక్కంపూడి రాజా పాల్గొన్నారు.నగరంలోని ఇన్నిసుపేటలో కనకదుర్గాదేవి ఆలయం వద్ద నిర్వహించిన నవరాత్రి ఉత్సవాల్లో రాజా పాల్గొని అమ్మవారిని దర్శించుకున్నారు. అనంతరం తీర్థప్రసాదాలు స్వీకరించారు. ఈ సందర్భంగా మాజీ ఎమ్మెల్యే రౌతు సూర్యప్రకాశరావు, మాజీ డీసీసీబీ అధ్యక్షుడు ఆకుల వీర్రాజు, మాజీ కార్పొరేటర్ బట్లంకి ప్రకాష్ తదితరులు పాల్గొన్నారు. ఆలయ నిర్వాహకులు రాజాకు అమ్మవారి పూజా కండువా కప్పి సత్కరించారు.అలాగే రైల్వే స్టేషన్ సమీపంలోని ఐదుపండ్ల మార్కెట్ వద్ద ఏర్పాటు చేసిన దేవీ నవరాత్రి ఉత్సవాల్లోనూ జక్కంపూడి రాజా పాల్గొని అమ్మవారిని దర్శించుకుని తీర్థప్రసాదాలు స్వీకరించారు. ఈ సందర్భంగా ఉత్సవ కమిటీ నిర్వాహకులు రాజాను ఘనంగా సత్కరించి జ్ఞాపికను అందజేశారు.