ఇరు వర్గాల గొడవ - నలుగురు రిమాండ్

షాబాద్ మండల కేంద్రంలోని శివారులో భూవివాదం నేపథ్యంలో ఇద్దరిపై గొడ్డలి, కర్రలు, రాయితో దాడి చేసిన ఘటనలో నలుగురిని పోలీసులు అరెస్ట్ చేసి రిమాండ్‌కు తరలించారు. షాబాద్ పోలీసులు తెలిపిన వివరాల ప్రకారం.. సెప్టెంబర్ 25న రాత్రి 8 గంటల సమయంలో భూవివాదం నేపథ్యంలో వెంకటేష్, చిన్న రాములపై గొడ్డలి, కర్రలు, రాయితో నిందితులు దాడి చేసినట్లు కేసు నమోదైంది. ఈ దాడిలో వెంకటేష్ ఎడమ చేతికి తీవ్ర గాయం కాగా, చిన్న రాములు ఎడమ కంటి సమీపంలో గాయంతో పాటు శరీరంలో కొన్ని భాగాలలో గాయానికి గురైనట్లు పోలీసులు తెలిపారు. భూవివాదానికి కారణంగా నిందితులు నర్సింలు, పెద్ద రాములు, అభిషేక్, అఖిల్‌లు దాడికి పాల్పడినట్లు పోలీసులు వెల్లడించారు. ఈ ఘటనపై కేసు నమోదు చేసి దర్యాప్తు చేపట్టిన షాబాద్ పోలీసులు నలుగురు నిందితులను అరెస్ట్ చేశారు. సెప్టెంబర్ 28న వారిని చేవెళ్ల న్యాయస్థానంలో హాజరుపరచగా, న్యాయస్థానం వారికి రిమాండ్ విధించినట్లు పోలీసులు తెలిపారు.

జానంపేట శివరాజ్ : మేజర్ న్యూస్, షాబాద్.