గుంతమార్పల్లిలో వైభవంగా బతుకమ్మ వేడుకలు

ఝ‌రాసంగం  ః తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ వేడుకలు గుంతమార్పల్లి గ్రామంలో ఉత్సాహంగా నిర్వహించారు. ఈ సందర్భంగా గ్రామ మహిళలు, ఆడపడుచులు, గ్రామ ప్రజలు పెద్ద సంఖ్యలో పాల్గొని వేడుకలను ఆనందోత్సాహాల మధ్య జరుపుకున్నారు.

మహిళలు వివిధ రకాల రంగురంగుల పూలతో బతుకమ్మలను అందంగా పేర్చి, వాటి చుట్టూ చేరి సంప్రదాయ బతుకమ్మ పాటలు పాడుతూ ఆటపాటలతో సందడి చేశారు. గ్రామంలో పండుగ వాతావరణం నెలకొనగా, తెలంగాణ సంస్కృతి, సంప్రదాయాల పట్ల ప్రజలకున్న అభిమానాన్ని ఈ వేడుకలు చాటిచెప్పాయి.ప్రకృతితో మమేకమై, పూలను పూజిస్తూ జరుపుకునే బతుకమ్మ పండుగ మహిళల ఐక్యతకు, గ్రామీణ జీవన విధానానికి ప్రతీకగా నిలుస్తుంది. గ్రామ ప్రజల భాగస్వామ్యంతో వేడుకలు ఉత్సాహభరితంగా సాగాయి.