గాంధీ జయంతి సందర్భంగా ఆర్యవైశ్య సంఘం ఆధ్వర్యంలో నివాళులు

సూర్య, పెంచికల్‌పేట్:పెంచికల్‌పేట్ మండల కేంద్రంలోని గాంధీ విగ్రహం వద్ద మండల ఆర్యవైశ్య సంఘం ఆధ్వర్యంలో గాంధీ జయంతి వేడుకలను నిర్వహించారు. ఈ సందర్భంగా మహాత్మా గాంధీ విగ్రహానికి పూలమాలలు వేసి ఘనంగా నివాళులర్పించారు.ఈ సందర్భంగా ఆర్యవైశ్య సంఘం నాయకులు మాట్లాడుతూ.. మహాత్మా గాంధీ చూపిన శాంతి, అహింస మార్గంలో నడిస్తే ఎలాంటి లక్ష్యాన్నైనా సాధించవచ్చని పేర్కొన్నారు. గాంధీజీ ఆశయాలను ప్రతి ఒక్కరూ ఆచరించాలని పిలుపునిచ్చారు.ఈ కార్యక్రమంలో ఆర్యవైశ్య సంఘం మండల అధ్యక్షుడు ఘనపురం వెంకటేష్, ఉపాధ్యక్షుడు రాచకొండ శ్రీకృష్ణ, నాయకులు సముద్రాల రాజన్న, గణపురం నాగేష్, రాచకొండ రాజు, కృష్ణ, పుల్లూరి రామన్న, రావుల కృష్ణ, భాస్కర్, సత్యనారాయణ, సంతోష్ తదితరులు పాల్గొన్నారు.