ఆత్మహత్య చేసుకున్న రైతు

      కోయిలకొండ సూర్య న్యూస్: మండల కేంద్రమైన కోయిలకొండ తాసిల్దార్ కార్యాలయంలో ఉన్న చెట్టు కు తడుతో ఉరి వేసుకొనిరైతు లావప్ప 53  ఆత్మహత్య చేసుకున్న సంఘటన చోటుచేసుకుంది. సమాచారం తెలుసుకున్న సిఐ గాంధీ నాయక్, ఎస్ఐ నాగరాజు  వెంటనే సంఘటన స్థలానికి చేరుకోవడం జరిగింది. పోలీసులకు మృతుని కుమారుడు కురుమూర్తి తెలిపిన వివరాలు ఇలా ఉన్నాయి తాతల వారసత్వ ఆస్తుల కోసం తగాదాలు జరుగుతున్నాయి. దాయాదులు 1 ఎకరా భూమి కావాలని వేధింపులు పెట్టడంతో అది భరించలేక జీవితం మీద విరక్తి చెంది తాసిల్దార్ కార్యాలయంలో ఉన్న చెట్టుకు ఉరి వేసుకుని చనిపోవడం జరిగిందని తెలిపారని తెలియజేశారు. కుమారుడు ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు.