పూడూర్‌లో వాటర్ ట్యాంకర్ రెండు టైర్లు చోరీ
స్మశానవాటిక వద్ద నిలిపి ఉంచిన ట్యాంకర్ నుంచి అపహరణ.. నిఘాపై స్థానికుల ఆందోళన
మేడ్చల్, మేజర్ న్యూస్,(అక్టోబర్ 3):
పూడూర్–కిష్టాపూర్ డివిజన్ పరిధిలోని పూడూర్ గ్రామంలో వాటర్ ట్యాంకర్‌కు చెందిన రెండు టైర్లు చోరీకి గురయ్యాయి. గ్రామంలోని స్మశానవాటిక వద్ద నిలిపి ఉంచిన వాటర్ ట్యాంకర్ నుంచి గుర్తుతెలియని వ్యక్తులు రెండు టైర్లను ఎత్తుకెళ్లినట్లు స్థానికులు తెలిపారు.వాటర్ ట్యాంకర్‌కు టైర్లు కనిపించకపోవడాన్ని గమనించిన స్థానికులు వెంటనే మున్సిపల్ సిబ్బందికి సమాచారం అందించారు. దీంతో సిబ్బంది సంఘటనా స్థలాన్ని పరిశీలించి, విషయాన్ని ఉన్నతాధికారుల దృష్టికి తీసుకెళ్లారు.ప్రజలకు తాగునీటి సరఫరాలో ఉపయోగించే వాటర్ ట్యాంకర్ టైర్లు చోరీ కావడంతో స్థానికుల్లో ఆందోళన వ్యక్తమవుతోంది. స్మశానవాటిక పరిసరాల్లో రాత్రివేళల్లో సరైన నిఘా లేకపోవడం వల్లే ఈ ఘటన చోటుచేసుకుందా అనే అనుమానాలు వ్యక్తమవుతున్నాయి.చోరీ ఘటనపై అధికారులు పూర్తి స్థాయిలో విచారణ చేపట్టి, బాధ్యులను గుర్తించి చర్యలు తీసుకోవాలని స్థానికులు కోరుతున్నారు. భవిష్యత్‌లో ఇలాంటి ఘటనలు పునరావృతం కాకుండా స్మశానవాటిక పరిసరాల్లో భద్రతా చర్యలు చేపట్టాలని విజ్ఞప్తి చేస్తున్నారు.
రిపోర్టర్ తలారి శివకుమార్.
