అభివృద్ధే లక్ష్యంగా.. 21వ డివిజన్‌లో జనసేన ఇంటింటి ప్రచారం
నెల్లూరు, మేజర్ న్యూస్: నెల్లూరు కార్పొరేషన్ ఎన్నికల నేపథ్యంలో పాత 16వ డివిజన్‌–ప్రస్తుత 21వ డివిజన్‌లో జనసేన నాయకులు కిషోర్ గునుకుల, విజయలక్ష్మి గునుకుల ఆధ్వర్యంలో ఇంటింటి ప్రచారం ఉత్సాహంగా కొనసాగింది. ఈ సందర్భంగా ప్రతి గడపను పలకరిస్తూ ప్రజల యోగక్షేమాలను అడిగి తెలుసుకున్న నాయకులు.. కూటమి ప్రభుత్వం చేపడుతున్న అభివృద్ధి, సంక్షేమ కార్యక్రమాలను ప్రజలకు వివరించారు. రాష్ట్ర అభివృద్ధి, మౌలిక వసతుల కల్పన, పెట్టుబడుల ఆకర్షణ తదితర అంశాలపై ప్రజలకు అవగాహన కల్పించారు. జనసేన అధినేత, ఉప ముఖ్యమంత్రి పవన్ కళ్యాణ్ ఆలోచనా విధానం, ముఖ్యమంత్రి నారా చంద్రబాబు నాయుడు నాయకత్వంలో కొనసాగుతున్న పాలన, కేంద్ర ప్రభుత్వ సహకారంతో రాష్ట్రంలో చేపడుతున్న అభివృద్ధి కార్యక్రమాలను ప్రజలకు వివరించారు. అలాగే నెల్లూరు నగర అభివృద్ధికి మంత్రి పొంగూరు నారాయణ చేస్తున్న కృషిని ప్రస్తావించారు. స్థానికంగా రోడ్లు, డ్రైనేజీ, తాగునీరు, పారిశుద్ధ్యం, వీధి దీపాలు తదితర సమస్యలను తమ దృష్టికి తీసుకురావాలని ప్రజలను కోరారు. ప్రజా సమస్యలను గుర్తించి వాటి పరిష్కారానికి నిరంతరం కృషి చేస్తామని జనసేన నాయకులు తెలిపారు. 21వ డివిజన్‌లో నగర మౌలిక వసతులు మరింత మెరుగుపడేలా అభివృద్ధి కార్యక్రమాలకు ప్రాధాన్యం ఇవ్వాల్సిన అవసరం ఉందని పేర్కొన్నారు. రానున్న కార్పొరేషన్ ఎన్నికల నేపథ్యంలో కూటమి అభ్యర్థులకు మద్దతు ఇవ్వాలని కోరుతూ ఇంటింటికీ వెళ్లి ప్రచారం నిర్వహించారు. ఈ కార్యక్రమంలో జనసేన నాయకులు కిషోర్ గునుకుల, వీరమహిళ విజయలక్ష్మి గునుకుల, కుమారి, ప్రవళ్లిక, విజయ, ప్రశాంత్ గౌడ్, కృష్ణమోహన్ రెడ్డి, ఇశాక్, సుప్రియ, కల్పన, లక్ష్మి, నరహరి తదితరులు పాల్గొన్నారు.
