శ్రీసిటీలో బాయిలర్ పేలుడు.. చంద్రబాబు దిగ్భ్రాంతి

నెల్లూరు, మేజర్ న్యూస్ :  శ్రీసిటీలోని ఓ పరిశ్రమలో చోటుచేసుకున్న బాయిలర్ పేలుడు ఘటనపై ముఖ్యమంత్రి నారా చంద్రబాబు నాయుడు తీవ్ర దిగ్భ్రాంతి వ్యక్తం చేశారు. ఈ ప్రమాదంలో ఇద్దరు వ్యక్తులు ఘటనాస్థలంలోనే మృతి చెందగా.. మరో ఇద్దరు ఆసుపత్రిలో చికిత్స పొందుతూ మృతి చెందినట్లు అధికారులు సీఎంకు వివరించారు. ప్రమాదానికి సంబంధించిన వివరాలను ముఖ్యమంత్రి అధికారులను అడిగి తెలుసుకున్నారు. ఘటనకు దారితీసిన పరిస్థితులు, సహాయక చర్యలపై ఆరా తీశారు. మృతుల కుటుంబాలకు చంద్రబాబు ప్రగాఢ సానుభూతి తెలిపారు. బాధిత కుటుంబాలకు ప్రభుత్వం అండగా ఉంటుందని భరోసా ఇచ్చారు.