గడి మైసమ్మ అమ్మవారిని దర్శించుకున్న ఎంపీ ఈటల రాజేందర్

మేడ్చల్ ,మేజర్ న్యూస్: మేడ్చల్‌లోని శ్రీశ్రీశ్రీ గడి మైసమ్మ అమ్మవారి శరన్నవరాత్రి ఉత్సవాలు భక్తిశ్రద్ధలతో వైభవంగా కొనసాగుతున్నాయి. ఉత్సవాల్లో భాగంగా ఆదివారం అమ్మవారు దుర్గాదేవి అలంకరణలో భక్తులకు దర్శనమివ్వగా, ఆలయంలో లక్షపూల పూజను ఘనంగా నిర్వహించారు.ఈ సందర్భంగా మల్కాజిగిరి పార్లమెంట్ సభ్యుడు ఈటల రాజేందర్ గడి మైసమ్మ అమ్మవారిని దర్శించుకుని ప్రత్యేక పూజలు నిర్వహించారు. అమ్మవారి ఆశీస్సులు పొందారు. ఆలయ ప్రాంగణంలో భక్తులతో ఆధ్యాత్మిక సందడి నెలకొనగా, దుర్గాదేవి అలంకరణ, లక్షపూల పూజ భక్తులను విశేషంగా ఆకట్టుకున్నాయి.ఈ కార్యక్రమంలో బీజేపీ రాష్ట్ర నాయకుడు పట్లోళ్ల విక్రమ్ రెడ్డి, మేడ్చల్ మున్సిపాలిటీ బీజేపీ అధ్యక్షురాలు జల్లి శైలజ హరినాథ్, మేడ్చల్ రూరల్ జిల్లా బీజేపీ కోశాధికారి లవంగ శ్రీకాంత్, మేడ్చల్ మున్సిపాలిటీ బీజేపీ ప్రధాన కార్యదర్శి కానుకంటి వంశీ విజయ్ వంజరి, ఉపాధ్యక్షుడు మైసరి రాజు వంజరి, నాయకులు పికెట్ నర్సింగ్ రావు, ఆలయ కమిటీ సభ్యులు తాళ్లపల్లి శివకుమార్, అనిల్, శ్యామరావు, రాము, మిరియాల నాగరాజు తదితరులు పాల్గొన్నారు.

రిపోర్టర్: తలారి శివకుమార్, మేడ్చల్.