ప్రజా సమస్యల పరిష్కారమే ధ్యేయంగా ముందుకు సాగుతాం: ఎమ్మెల్సీ శంభీపూర్ రాజు

దుండిగల్ మేజర్ న్యూస్ :     ప్రజా సంక్షేమమే ప్రధాన లక్ష్యంగా, ప్రజలు ఎదుర్కొంటున్న సమస్యల పరిష్కారానికి నిరంతరం కృషి చేస్తామని మేడ్చల్ జిల్లా బీఆర్ఎస్ పార్టీ అధ్యక్షుడు, ఎమ్మెల్సీ శంభీపూర్ రాజు తెలిపారు. ఆదివారం కుత్బుల్లాపూర్ నియోజకవర్గ పరిధిలోని దుందిగల్ మున్సిపాలిటీ శంభీపూర్‌లో ఉన్న తన కార్యాలయంలో నియోజకవర్గానికి చెందిన తాజా మాజీ ప్రజాప్రతినిధులు, బీఆర్ఎస్ నాయకులు, కార్యకర్తలు, వివిధ కాలనీల ప్రతినిధులు ఎమ్మెల్సీ శంభీపూర్ రాజును  కలిశారు.

 ఈ సందర్భంగా ఆయా ప్రాంతాల్లో ప్రజలు ఎదుర్కొంటున్న పలు సమస్యలను ఆయన దృష్టికి తీసుకెళ్లి, వాటి పరిష్కారానికి చర్యలు తీసుకోవాలని కోరారు. వారి విజ్ఞప్తులపై ఎమ్మెల్సీ శంభీపూర్ రాజు సానుకూలంగా స్పందించారు. ప్రజా సమస్యల పరిష్కారమే లక్ష్యంగా ముందుకు సాగుతున్నామని, ప్రజల సంక్షేమానికి ప్రాధాన్యతనిస్తూ అందుబాటులో ఉన్న మార్గాల ద్వారా సమస్యల పరిష్కారానికి కృషి చేస్తామని తెలిపారు. ప్రజలకు అండగా ఉంటూ, నియోజకవర్గ అభివృద్ధి కోసం నాయకులు, కార్యకర్తలు సమన్వయంతో పనిచేయాలని సూచించారు.