అర్హులైన పట్టభద్రులందరూ ఓటు నమోదు చేసుకోవాలి కాంగ్రెస్ శ్రేణులకు ఎమ్మెల్యే నవీన్‌ యాదవ్‌ పిలుపు
వెంగళరావునగర్, మేజర్ న్యూస్::జూబ్లీహిల్స్‌ నియోజకవర్గంలో అర్హులైన పట్టభద్రులందరూ ఓటు హక్కు నమోదు చేసుకునేలా కాంగ్రెస్ నాయకులు, కార్యకర్తలు సమన్వయంతో పనిచేయాలని ఎమ్మెల్యే వి. నవీన్‌ యాదవ్‌ పిలుపునిచ్చారు. వెంగళరావునగర్ డివిజన్ పరిధిలోని మధురానగర్‌ సామాజిక భవనం సాగి రామకృష్ణంరాజు కమ్యూనిటీ హాలులో నిర్వహించిన పట్టభద్రుల ఓటు నమోదు కార్యక్రమానికి ఆయన ముఖ్య అతిథిగా హాజరై మాట్లాడారు.
నియోజకవర్గంలోని అర్హులైన ప్రతి పట్టభద్రుడికి ఓటు నమోదు ప్రక్రియపై అవగాహన కల్పించాలని సూచించారు. ఎవరూ ఓటు నమోదు చేసుకునే అవకాశాన్ని కోల్పోకుండా క్షేత్రస్థాయిలో విస్తృతంగా ప్రచారం చేయాలని పార్టీ శ్రేణులకు పిలుపునిచ్చారు.
కార్యక్రమంలో మహబూబ్‌నగర్‌–హైదరాబాద్‌–రంగారెడ్డి పట్టభద్రుల ఎమ్మెల్సీ అభ్యర్థి సామ రామ్మోహన్‌రెడ్డి, సీనియర్‌ కాంగ్రెస్ నాయకుడు దేవిరెడ్డి నాగార్జునరెడ్డి తదితరులు పాల్గొన్నారు.
