ఏఎస్ఐల నుంచి ఎస్ఐలుగా పదోన్నతి.. అధికారులకు ఎస్పీ స్నేహ మెహ్రా శుభాకాంక్షలు

వికారాబాద్, మేజర్ న్యూస్ : ఏఎస్ఐల నుంచి ఎస్ఐలుగా పదోన్నతి పొందిన అధికారులకు వికారాబాద్ జిల్లా ఎస్పీ శ్రీమతి స్నేహ మెహ్రా ఐపీఎస్ శుభాకాంక్షలు తెలిపారు. పదోన్నతి పొందిన మహమ్మద్ అమ్జద్, టి. సంజీవ్, ఏ. శ్రవణ్ కుమార్, జి. నారాయణ, ఏ. అంబదాస్‌లు గురువారం జిల్లా ఎస్పీని మర్యాదపూర్వకంగా కలిశారు.ఈ సందర్భంగా ఎస్పీ స్నేహ మెహ్రా మాట్లాడుతూ.. పదోన్నతితో లభించిన నూతన బాధ్యతలను సమర్థవంతంగా నిర్వహించాలని సూచించారు. ప్రజలకు అందుబాటులో ఉంటూ వారి సమస్యలకు సత్వర పరిష్కారం చూపాలని, శాంతిభద్రతల పరిరక్షణకు ప్రాధాన్యతనిస్తూ అంకితభావంతో విధులు నిర్వర్తించాలని తెలిపారు. పోలీస్ శాఖకు మంచి పేరు తీసుకువచ్చేలా బాధ్యతాయుతంగా పనిచేయడంతోపాటు ప్రజలతో సత్సంబంధాలను కొనసాగించాలని పదోన్నతి పొందిన అధికారులకు సూచించారు.