andhrapradesh
కల్పవృక్ష వాహనంపై బకాసుర వధ అలంకారంలో దర్శనమిచ్చిన మలయప్ప స్వామి
తిరుమల:శ్రీవారి నవరాత్రి బ్రహ్మోత్సవాలు అత్యంత వైభవంగా కొనసాగుతున్నాయి. ఉత్సవాల్లో భాగంగా శ్రీమలయప్ప స్వామివారు ఉభయదేవేరులైన శ్రీదేవి, భూదేవి సమేతంగా దివ్యమైన కల్పవృక్ష వాహనంపై అధిరోహించి భక్తులకు అభయమిచ్చారు.
ఈ సందర్భంగా స్వామివారు బకాసుర వధ అలంకారంలో భక్తులకు దర్శనమివ్వడం విశేషం. సకల కోర్కెలు తీర్చే కల్పవృక్ష వాహనంపై స్వామివారిని దర్శించుకోవడం భక్తులకు కన్నుల పండువగా నిలిచింది. ఈ పవిత్ర ఘట్టాన్ని తిలకించేందుకు తిరుమలకు విచ్చేసిన వేలాది మంది భక్తులు "గోవిందా.. గోవిందా" నామస్మరణతో మార్మోగించారు. బ్రహ్మోత్సవాల సందర్భంగా తిరుమల తిరుపతి దేవస్థానం (TTD) భక్తులకు ఎలాంటి అసౌకర్యం కలగకుండా విస్తృత ఏర్పాట్లు చేసింది.
