పారిశుద్ధ్య కార్మికుల సేవలు మరువలేనివి

పారిశుద్ధ్య కార్మికుల సేవలు మర్చిపోలేనివి

 
సర్పంచ్ కోలన్ రమాదేవి మల్లారెడ్డి

పారిశుద్ధ్య కార్మికుల సేవలు మరువలేము అని గ్రామ సర్పంచ్ కోలన్ రమాదేవి మల్లారెడ్డి అన్నారు. గురువారం మండల పరిధిలో మొండి గౌరెల్లి గ్రామంలో దసరా సందర్భంగా.. పారిశుధ్య కార్మికులకు దుస్తులు పంపిణీ కార్యక్రమాన్ని చేపట్టారు. గ్రామంలో వీధి వీధిలో ప్రజలు ఆరోగ్యంగా ఉండాలని, పరిసరాలను పరిశుభ్రత పరిరక్షణ పర్యావరణ కాలుష్యము నివారించే విధంగా కృషి చేస్తారని చెప్పారు. అందుకని వారి శ్రమని ప్రజలందరూ గుర్తుంచుకోవాలని సూచించారు. ఈ కార్యక్రమంలో ఉప సర్పంచ్ బడే కుమార్, పంచాయతీ సెక్రటరీ సత్యనారాయణ, వార్డు సభ్యులు తాండ్ర యాదయ్య తదితరులు పాల్గొన్నారు.

కొండ్రు శివ, యాచారం సూర్య రిపోర్టర్