డాక్టర్ ప్రభాకర్ నాయుడు సేవలు అమూల్యం: ఎమ్మెల్యే కావ్య కృష్ణారెడ్డి
కావలి, మేజర్ న్యూస్ : కావలి పట్టణానికి చెందిన ప్రముఖ వైద్యులు, సమాజ సేవకులు దివంగత డాక్టర్ ప్రభాకర్ నాయుడు గారి సేవలను కావలి ప్రజలు ఎప్పటికీ మరచిపోలేరని స్థానిక శాసనసభ్యులుకావ్య కృష్ణారెడ్డి కొనియాడారు.గురువారం కావలిలోని ఆర్ &బి. అతిథి గృహంలో డాక్టర్ ప్రభాకర్ నాయుడు గారి సంతాప సభ కార్యక్రమాన్ని నిర్వహించారు. ఈ కార్యక్రమానికి ముఖ్య అతిథిగా హాజరైన ఎమ్మెల్యే కావ్య కృష్ణారెడ్డి, ప్రభాకర్ నాయుడు గారి చిత్రపటానికి పూలమాలలు వేసి ఘనంగా నివాళులర్పించారు.
పద్మశ్రీ పురస్కారానికి కృషి: వైద్యరంగంలో, సామాజిక సేవా రంగంలో డాక్టర్ ప్రభాకర్ నాయుడు అందించిన విశేష సేవలకు గానూ ఆయనకు ‘పద్మశ్రీ’ అవార్డు దక్కాలని ఎమ్మెల్యే ఆకాంక్షించారు. దీనికోసం అవసరమైతే నాయకులతో కలిసి రాష్ట్ర ముఖ్యమంత్రి నారా చంద్రబాబు నాయుడు గారి దృష్టికి తీసుకెళ్తామని స్పష్టం చేశారు.
వైద్య రంగానికి ఆయన పేరే గుర్తుగా : భవిష్యత్తులో కావలికి మెడికల్ రంగానికి సంబంధించి ఏ ప్రాజెక్ట్ లేదా అభివృద్ధి కార్యక్రమం వచ్చినా, దానికి డాక్టర్ ప్రభాకర్ నాయుడు గారి పేరునే నామకరణం చేస్తామని వారి కుటుంబ సభ్యులకు ఎమ్మెల్యే హామీ ఇచ్చారు.
కావలిలో విగ్రహావిష్కరణ & సంతాప సభలు : ప్రతి సంవత్సరం ఆయన జ్ఞాపకార్థం సంతాప సభను నిర్వహిస్తామని, కావలి పట్టణంలో ఆయన విగ్రహాన్ని కూడా ఏర్పాటు చేస్తామని తెలియజేశారు.
ఈ కార్యక్రమంలో స్థానిక నాయకులు, వైద్యాధికారులు, పట్టణ ప్రముఖులు మరియు ప్రభాకర్ నాయుడు గారి కుటుంబ సభ్యులు పాల్గొన్నారు.
