దుర్గామాత మాలధారులకు అన్నప్రసాద వితరణ

సూర్య కరీంనగర్:  అర్బన్ బ్యాంక్ మాజీ డైరెక్టర్ డి.సంపత్ ఆధ్వర్యంలో దుర్గామాత మాల ధరించిన స్వాములకు అన్నప్రసాద వితరణ కార్యక్రమాన్ని నిర్వహించనున్నారు. గతంలో అయ్యప్ప, ఆంజనేయ స్వాముల మాలధారులకు దాతల సహకారంతో అన్నదానం నిర్వహించిన సంపత్, ఈ ఏడాది తొలిసారిగా తన కుమార్తెతో పాటు దాతల సహకారంతో అమ్మవారి ఆశీస్సులతో దుర్గామాత మాలధారులకు అన్నప్రసాదం అందించనున్నట్లు తెలిపారు. అక్టోబర్ 10 నుంచి 19వ తేదీ వరకు ఈ కార్యక్రమం కొనసాగుతుందని పేర్కొన్నారు. భగత్‌నగర్‌లోని అయ్యప్ప దేవాలయం ఎదురుగా అన్నప్రసాద వితరణ నిర్వహించనున్నట్లు తెలిపారు.