నారాయణ స్కూల్ లో స్టూడెంట్ లెడ్ కాన్ఫరెన్స్ వేడుక
నారాయణ స్కూల్ లో స్టూడెంట్ లెడ్ కాన్ఫరెన్స్ వేడుక
జిహెచ్ఎంసి జల్ పల్లి సర్కిల్ పరిధి, శ్రీరామ కాలనీలోని నారాయణ స్కూల్ లో గురువారం స్టూడెంట్ లెడ్ కాన్ఫరెన్స్ వేడుకలను ఈ చామ్స్ విద్యార్థులచే ఘనంగా నిర్వహించారు. ఈ కార్యక్రమానికి స్కూల్ ఏజీఎం రవీంద్రబాబు విచ్చేసి జ్యోతి ప్రజ్వలన చేసి, కార్యక్రమాన్ని ప్రారంభించారు. ఈ సందర్భంగా ఆయన మాట్లాడుతూ. స్టూడెంట్ లెడ్ కాన్ఫరెన్స్ ముఖ్య ఉద్దేశాన్ని విద్యార్థులకు వివరించారు. విద్యార్థులే స్వయంగా ఉపాధ్యాయుల స్థానంలో ఉండి తాము నేర్చుకున్న విషయాలను తమ తల్లిదండ్రులకు వివరించే ఒక ప్రత్యేక కార్యక్రమం అని, విద్యార్థులలో నెలకొన్న భయాన్ని పోగొట్టి నలుగురిలో మాట్లాడే నైపుణ్యాన్ని పెంపొందించడమే నారాయణ స్కూల్ ఉద్దేశమని పేర్కొన్నారు. అనంతరం విద్యార్థుల తల్లిదండ్రులు వారి పిల్లల మాటలను విని, వారు ఊహించిన దానికన్నా తమ పిల్లల నైపుణ్యం చాలా బాగుందని విద్యార్థులను మెచ్చుకొని అభినందించారు. ఈ కార్యక్రమంలో ఈ ఛామ్స్ ఆర్ అండ్ బి మహేశ్వరి, కోఆర్డినేటర్ దివ్య, స్కూల్ ప్రిన్సిపల్ రాజేందర్, ఏఓ రవిబాబు, డీన్ హరిబాబు, వైస్ ప్రిన్సిపాల్ స్నేహ, ఉపాధ్యాయులు, విద్యార్థుల తల్లిదండ్రులు పాల్గొన్నారు.
- అంకం జగన్ : మేజర్ న్యూస్, జల్ పల్లి.
