దేశాన్ని అగ్రగామిగా నిలిపిన నాయకుడు నరేంద్ర మోడీ

ఇల్లందు సూర్య ప్రతినిధి :

దేశాన్ని అగ్రగామిగా నిలిపిన నాయకుడు నరేంద్ర మోడీ 
- బిజెపి జిల్లా అధ్యక్షులు బైరెడ్డి ప్రభాకర్ రెడ్డి 
ఇల్లందు రూరల్, సూర్య మేజర్ న్యూస్ : దేశాన్ని అన్ని రంగాల్లో అగ్రగామిగా నిలిపిన నాయకుడు నరేంద్ర మోడీ అని బిజెపి జిల్లా అధ్యక్షులు బైరెడ్డి ప్రభాకర్ రెడ్డి అన్నారు. శుక్రవారం నరేంద్ర మోడీ 25 సంవత్సరాలు సుపరిపాలన అందించిన ప్రత్యేక సందర్భంగా జాతీయ స్థాయిలో పార్టీ చేపట్టిన సేవా సంకల్ప అభియాన్ కార్యక్రమంలో భాగంగా నియోజకవర్గంలో ఏర్పాటు చేసిన రక్త దాన శిబిరానికి హాజరయ్యారు. సందర్భంగా ఆయన మాట్లాడుతూ భారతదేశాన్ని అభివృద్ధి పథంలో నడుపుతూ సబ్కా సాత్, సబ్క వికాస్ అనే నినాదంతో ప్రపంచంలోనే దేశాన్ని అగ్రగామిగా నిలుపుతూ దేశ ప్రతిష్టను పెంచారన్నారు. ప్రపంచ నాయకుడిగా ఎదిగిన సందర్భంగా దేశ వ్యాప్తంగా సేవా కార్యక్రమాలు నిర్వహిస్తున్నామని పార్టీ ఇచ్చిన పిలుపులో భాగంగా నేడు రక్తదాన శిబిరానికి తరలి వచ్చి సేవలందించిన ప్రతి ఒక్కరికి పేరుపేరునా ధన్యవాదాలు తెలియజేస్తున్నామన్నారు. ఈ కార్యక్రమంలో బిజెపి నాయకులు జిల్లా నాయకులు దోమల మహేశ్వర్, గోపికృష్ణ, మావునూరి మాధవ్ శ్రీనివాస్, వెంకటేశ్వర్లు, మురళీకృష్ణ, సునీత, సుచిత్ర పాసి ,రాజ్ కుమార్ పాసి ,శంభు నాయక్, శ్రీనివాస్ తదితరులు పాల్గొన్నారు.

ఇల్లందు సూర్య రూరల్ రిపోర్టర్ డానియల్