telanagana
బీఆర్ఎస్, బీజేపీ వికృత చేష్టలు
హైదరాబాద్: బీఆర్ఎస్, బీజేపీ నేతల తీరుపై కాంగ్రెస్ నేతలు అద్దంకి దయాకర్ తీవ్ర విమర్శలు చేశారు. ప్రతిపక్షాలు చీప్గా ప్రవర్తిస్తున్నాయని, కేటీఆర్, అర్వింద్ చిల్లర మాటలు మాట్లాడుతున్నారని ఆరోపించారు. వారిద్దరూ రాజకీయంగా ఫ్రస్ట్రేషన్లో ఉన్నారని వ్యాఖ్యానించారు.
ప్రజల గుండెల్లో నుంచి కేసీఆర్ వెళ్లిపోయారని అద్దంకి దయాకర్ అన్నారు. బీఆర్ఎస్ నేతలు విషనాగులుగా మారారని ఘాటు వ్యాఖ్యలు చేశారు. కేసీఆర్ క్యాడర్ను బద్దలు కొట్టడమే సీఎం రేవంత్రెడ్డి లక్ష్యమని పేర్కొన్నారు.
కేటీఆర్కు రాజకీయ భవిష్యత్ లేదని అద్దంకి దయాకర్ వ్యాఖ్యానించారు. ఈ నెల 30వ తేదీ నుంచి కేటీఆర్కు నిద్ర పట్టదంటూ సంచలన వ్యాఖ్యలు చేశారు. ప్రత్యర్థుల విమర్శలను రాజకీయంగా ఎదుర్కొంటామని, కాంగ్రెస్ ప్రభుత్వంపై ప్రజల్లో విశ్వాసం ఉందని ఆయన పేర్కొన్నారు.
