అసంపూర్తిగా నిలిచిన కమ్యూనిటీ హాల్ పనులు వెంటనే పూర్తి చేయాలి: ఎమ్మెల్యే కేపీ వివేకానంద్

జీడిమెట్ల డివిజన్ వెస్ట్ ఎం.ఎన్.రెడ్డి నగర్‌లో పాదయాత్ర.. కాలనీవాసుల సమస్యలపై అధికారులకు ఆదేశాలు

హైదరాబాద్, అక్టోబర్ 12: జీడిమెట్ల డివిజన్ (132) వెస్ట్ ఎం.ఎన్.రెడ్డి నగర్‌లో బీఆర్ఎస్ శాసనసభా పక్ష విప్, కుత్బుల్లాపూర్ ఎమ్మెల్యే కేపీ వివేకానంద్ సోమవారం అధికారులతో కలిసి పాదయాత్ర నిర్వహించారు. ఈ సందర్భంగా కాలనీలో అసంపూర్తిగా నిలిచిపోయిన కమ్యూనిటీ హాల్ భవన నిర్మాణ విషయాన్ని కాలనీవాసులు ఆయన దృష్టికి తీసుకువచ్చారు.

పనులు వెంటనే చేపట్టాలని ఆదేశం

కాలనీవాసుల విజ్ఞప్తిపై స్పందించిన ఎమ్మెల్యే వివేకానంద్, కమ్యూనిటీ హాల్ భవన నిర్మాణ పనులను వెంటనే చేపట్టి, త్వరితగతిన పూర్తి చేసి భవనాన్ని ప్రజలకు అందుబాటులోకి తీసుకురావాలని అధికారులను ఆదేశించారు.

కార్యక్రమంలో పాల్గొన్నవారు

ఈ కార్యక్రమంలో కాలనీ అధ్యక్షుడు నాగేశ్వర్ రావు, చీఫ్ అడ్వైజర్ రాముడు యాదవ్, ఉపాధ్యక్షుడు శ్రీనివాస్ రెడ్డి, ప్రధాన కార్యదర్శి క్రిష్ణ పటేల్, కోశాధికారి రాజు, కాలనీ యూత్ అధ్యక్షుడు రాజు యాదవ్, కాలనీవాసులు మురళి, బస్వరాజు, శేఖర్ గౌడ్, నర్సింహ, క్రిష్ణ, స్థానిక బీఆర్ఎస్ నాయకులు తదితరులు పాల్గొన్నారు.