అరుణాచల్ ప్రదేశ్లో విధి నిర్వహణలో ఆర్మీ జవాన్ మృతి
- శంషాబాద్ ఎయిర్పోర్ట్కు చేరిన మృతదేహం-
అరుణాచల్ ప్రదేశ్లోని తవాంగ్ ప్రాంతంలో విధులు నిర్వహిస్తూ ప్రమాదానికి గురై గత ఆదివారం మృతి చెందిన ఆర్మీ జవాన్ కిషన్ కుమార్ మృతదేహం శంషాబాద్ ఎయిర్ పోర్ట్కు చేరుకుంది. దేశ సరిహద్దుల్లో సేవలందిస్తున్న జవాన్ తవాంగ్ ప్రాంతంలో జరిగిన ప్రమాదంలో అమరుడయ్యాడు. కిషన్ కుమార్ మృతదేహాన్ని అధికారులు ఇండిగో కార్గో విమానంలో శంషాబాద్ ఎయిర్ పోర్ట్కు తరలించారు. శంషాబాద్ ఎయిర్ పోర్ట్లో ఆర్మీ అధికారుల సమక్షంలో ఆయన కుటుంబ సభ్యులు, బంధువులు భౌతికకాయాన్ని స్వాధీనం చేసుకున్నారు. ఈ సందర్భంగా ఎయిర్పోర్ట్లో విషాద ఛాయలు అలుముకున్నాయి. అనంతరం అమర జవాన్ కిషన్ కుమార్ మృతదేహాన్ని ఆయన స్వగ్రామమైన ఆంధ్రప్రదేశ్ లోని మార్కాపురం జిల్లా, పందిలపల్లి గ్రామానికి తరలించారు. అక్కడ అధికార లాంఛనాలతో అంత్యక్రియలు నిర్వహించనున్నట్లు కుటుంబ సభ్యులు తెలిపారు.
పోతుల నర్సింహా, శంషాబాద్ మేజర్ స్యూస్
