ఆర్థిక సహాయం అందజేస్తున్న పీసీఆర్ ఫౌండేషన్ సభ్యులు

సూర్య, జన్నారం : జన్నారం మండలం పొనకల్ గ్రామ పంచాయతీ పరిధిలోని చెరుకుగూడ కు చెందిన మంత్రి లక్ష్మణ్ మృతి చెందిన విషయాన్ని తెలుసుకుని  పిసిఆర్ ఫౌండేషన్ ఆధ్వర్యంలో 5000 రూపాయల ఆర్థిక సహాయాన్ని పీసీఆర్ ఫౌండేషన్ వ్యవస్థాపకులు ముడుగు ప్రవీణ్ కుమార్ మరియు సభ్యులు అందజేశారు. ఈ సందర్భంగా పీసీఆర్ ఫౌండేషన్ వ్యవస్థాపకులు ముడుగు ప్రవీణ్ మాట్లాడుతూ ఇటీవల మృతి చెందిన మంత్రి లక్ష్మణ్ ఆర్థిక పరిస్థితి తెలుసుకొని వారి కుటుంబానికి 5000 రూపాయల ఆర్థిక సహాయాన్ని అందించామని ఆయన తెలిపారు. ఆపదలో ఉన్న వారిని ఆదుకోవడమే ఫౌండేషన్ ముఖ్య ఉద్దేశ్యం అన్నారు. ఆర్థిక ఇబ్బందుల్లో ఉన్న కుటుంబాలకు తమవంతు సహాయ సహకారాలు అందిస్తామని పేర్కొన్నారు. ఇదేవిధంగా ఎండాకాలంలో మజ్జిగ, చలికాలంలో దుప్పట్లు, అంతేకాకుండా ఆర్థిక ఇబ్బందులతో సతమతమవుతున్న పేద కుటుంబాలను సైతం ఆర్థికంగా ఆదుకుంటామని తెలిపారు. ఇదే విధంగా ప్రతిఒక్కరు సేవాభావంతో ముందు నిలవాలని అన్నారు. అందజేసిన వారిలో ఫౌండేషన్ సభ్యులు నోముల రాజ్ కుమార్, కొత్త శ్రీనివాస్, బాదావత్ సాయి కిరణ్, ముల్కల్ల రవి, తదితరులు పాల్గొన్నారు.