ఆమనగల్లులో అదనపు కోర్టు

 ఆమనగల్లు, మేజర్ న్యూస్ (సెప్టెంబర్ 25) : ఆమనగల్లు కోర్టుకు నూతనంగా అదనపు కోర్టును కేటాయిస్తూ ప్రభుత్వం, హైకోర్టు ఉత్తర్వులు జారీ చేయడం హర్షనీయమని ఆమనగల్లు బార్ అసోసియేషన్ అధ్యక్షులు అండేకార్ యాదిలాల్ హర్షం వ్యక్తం చేశారు. ఈ సందర్భంగా ఆయన మాట్లాడుతూ… ఈ ప్రాంతంలో చాలా కాలంగా పెండింగ్‌లో ఉన్న కేసుల సత్వర పరిష్కారానికి అదనపు కోర్టు ఎంతో దోహదపడుతుందని పేర్కొన్నారు. ప్రాంతీయ అవసరాలను గుర్తించి అదనపు కోర్టు మంజూరు  పట్ల చొరవ చూపిన రాష్ట్ర ముఖ్యమంత్రికి, హైకోర్టు ప్రధాన న్యాయమూర్తికి ఆమనగల్లు బార్ అసోసియేషన్  న్యాయవాదుల పక్షాన ప్రత్యేకంగా కృతజ్ఞతలు తెలియజేశారు. అదనపు కోర్టు కోసం కృషి చేసిన ఎంపీ మల్లు రవి, ఎమ్మెల్యే కసిరెడ్డి నారాయణరెడ్డికి ఈ సందర్భంగా కృతజ్ఞతలు తెలియజేశారు.  నూతన కోర్టు ఏర్పాటుతో కక్షిదారులకు దూరం - భారం తప్పడంతో పాటు సత్వర న్యాయం జరుగుతుందని ఆయన  ఆశాభావం వ్యక్తం చేశారు.

రిపోర్టర్ : ఏ.చంద్రశేఖర్