పాలసీ పెరాలసిస్‌కు గత ప్రభుత్వమే నిదర్శనమన్న ప్రధాని మోడీ
న్యూఢిల్లీ:"నేను ఓటు బ్యాంక్ రాజకీయంపై ఎప్పుడూ ఆధారపడలేదు. రాజకీయాల్లో ఏదో సాధించి వెలగాలనో, నా వ్యక్తిగత భవిష్యత్తు ఏమిటనో కూడా ఎన్నడూ ఆలోచించలేదు. నా వ్యక్తిగత ఆశయం కోసం కాకుండా, కేవలం ఒక స్పష్టమైన లక్ష్యం కోసమే పనిచేశాను. గత ప్రభుత్వం పాలసీ పెరాలసిస్‌కు (విధానపరమైన పక్షవాతానికి) నిదర్శనంగా నిలిచింది" అని ప్రధానమంత్రి నరేంద్ర మోడీ అన్నారు.
దృఢమైన సంకల్ప బలం ఉంటే సాధించలేనిది ఏదీ లేదని మోడీ పేర్కొన్నారు. ప్రజలకు నిరంతరం సేవ చేస్తున్నప్పుడు విమర్శలు రావడం సహజమని, ఆ విమర్శలను పదే పదే పట్టించుకుంటే ముందుకు వెళ్లలేమని ఆయన వ్యాఖ్యానించారు. "నన్ను వ్యక్తిగతంగా విమర్శించే వారిని వారి విజ్ఞతకే వదిలేస్తున్నాను. నిజానికి నన్ను రాజకీయంగా మరింత బలోపేతం చేసేది నా ప్రత్యర్థులే. వారు ఎంతగా విమర్శిస్తే, నేను అంతగా భవిష్యత్తు కార్యాచరణపై ఆలోచించేవాడిని" అని స్పష్టం చేశారు. సరైన దృక్పథంతో ముందడుగు వేస్తూ, 2047 నాటికి 'వికసిత్ భారత్' (అభివృద్ధి చెందిన భారత్) లక్ష్యాన్ని ఖచ్చితంగా సాధించి తీరుతామని ప్రధాని ధీమా వ్యక్తం చేశారు.
