మైసూర్ దసరా 2026: బంగారు అంబారీ రేసు నుంచి మహేంద్ర తాత్కాలికంగా అవుట్..

సూర్య సాంస్కృతిక & విశేషాల డెస్క్: ప్రపంచ ప్రసిద్ధి చెందిన కర్ణాటక మైసూర్ దసరా 2026 వేడుకల్లో కీలక పరిణామం చోటుచేసుకుంది. ప్రముఖ జంబూ సవారీలో ప్రధాన ఆకర్షణగా నిలిచే 750 కిలోల బంగారు అంబారీని (గోల్డెన్ హౌదా) మోసే గజరాజుల రేసు నుంచి 'మహేంద్ర' ఏనుగును అధికారులు తాత్కాలికంగా తప్పించారు.

రిహార్సల్స్ సమయంలో బరువును మోస్తూ ప్రాక్టీస్ రన్ చేస్తున్నప్పుడు మహేంద్ర ఉన్నట్టుండి మధ్యలోనే ఆగిపోవడంతో అటవీ శాఖ అధికారులు ఈ నిర్ణయం తీసుకున్నారు. వైద్య పరీక్షల్లో మహేంద్రకు ఎటువంటి శారీరక ఆరోగ్య సమస్యలు లేవని తేలినప్పటికీ, భారీ బరువును మోయడానికి అది అయిష్టత ప్రదర్శించినట్లు అధికారులు ప్రాథమికంగా గుర్తించారు. దసరా ఉత్సవాల్లో ఎలాంటి అంతరాయం కలగకుండా చూసేందుకు ప్రత్యామ్నాయ ఏర్పాట్లపై దృష్టి సారించారు.

ఈ నేపథ్యంలో ప్రతిష్టాత్మక బంగారు అంబారీని మోసే ప్రధాన పోటీదారుగా గజరాజు 'ధనంజయ' తెరపైకి వచ్చింది. ధనంజయతో పాటు ఏకలవ్య, సుగ్రీవ, శ్రీకంఠ ఏనుగులు కూడా ఈ జాబితాలో పరిశీలనలో ఉన్నట్లు అధికారులు వెల్లడించారు. తుది నిర్ణయం తీసుకునేందుకు వీలుగా ఈ ఏనుగుల సామర్థ్యాన్ని, క్రమశిక్షణను నిపుణుల బృందం పరిశీలిస్తోంది.