international
నష్టాలతో ముగిసిన స్టాక్ మార్కెట్లు.. 460 పాయింట్లు పతనమైన సెన్సెక్స్
ముంబై: దేశీయ స్టాక్ మార్కెట్లు వరుస నష్టాలతో ట్రేడింగ్‌ను ముగించాయి. సెషన్‌ ప్రారంభం నుంచి అమ్మకాల ఒత్తిడి ఎదుర్కొన్న సూచీలు చివరకు నష్టాల బాటలోనే ప్రయాణం ముగించాయి. రోజంతా నిరాసనసాహకంగా సాగిన బాంబే స్టాక్ ఎక్స్ఛేంజ్ సూచీ సెన్సెక్స్ చివరికి 460 పాయింట్లు నష్టపోయి 73,249 వద్ద స్థిరపడింది. అలాగే నేషనల్ స్టాక్ ఎక్స్ఛేంజ్ సూచీ నిఫ్టీ కూడా 124 పాయింట్లు కోల్పోయి 22,687 వద్ద ట్రేడింగ్‌ను ముగించింది. ప్రపంచ మార్కెట్ల నుంచి వస్తున్న ప్రతికూల సంకేతాలు, ప్రముఖ రంగాల షేర్లలో అమ్మకాలే మార్కెట్ల పతనానికి ప్రధాన కారణాలుగా నిపుణులు విశ్లేషిస్తున్నారు.
