పురుగుల మందు సేవించి వ్యక్తి మృతి

సూర్య, చింతలమానేపల్లి : మండలంలోని కర్జెల్లి గ్రామంలో పురుగుల మందు సేవించిన నీకాడి రవి (35) చికిత్స పొందుతూ గురువారం మృతి చెందాడు. ఎస్సై కమలాకర్ తెలిపిన వివరాల ప్రకారం.. గంగాపూర్ గ్రామానికి చెందిన రవి తన భార్య, కుమారుడితో కలిసి కర్జెల్లి గ్రామంలో నివాసం ఉంటున్నాడు. ఈ క్రమంలో బుధవారం పురుగుల మందు సేవించడంతో కుటుంబ సభ్యులు అతడిని ఆసుపత్రికి తరలించారు. అక్కడ చికిత్స పొందుతూ గురువారం మృతి చెందినట్లు ఎస్సై కమలాకర్ తెలిపారు. మృతుడి తల్లి నీకాడి లక్ష్మి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై కమలాకర్ వెల్లడించారు.