మృతి చెందిన కుటుంబాన్ని పరామర్శించిన డీసీసీ అధ్యక్షురాలు ఆత్రం సుగుణక్క

సూర్య జైనూర్ : జైనూర్ మండలం జైనూర్ కాలేజీ గూడకు చెందిన ఆత్రం గిరిజ బాయి ఇటీవల అనారోగ్యంతో మృతి చెందారు. విషయం తెలుసుకున్న డీసీసీ అధ్యక్షురాలు ఆత్రం సుగుణక్క గురువారం వారి నివాసానికి వెళ్లి కుటుంబ సభ్యులను పరామర్శించారు.ఈ సందర్భంగా గిరిజ బాయి చిత్రపటానికి పూలమాల వేసి, ఆదివాసీ సంప్రదాయం ప్రకారం పూజలు నిర్వహించి నివాళులర్పించారు. అనంతరం కుటుంబ సభ్యులను ఓదార్చి, వారికి తన ప్రగాఢ సానుభూతిని తెలియజేశారు.ఈ కార్యక్రమంలో మండల కాంగ్రెస్ అధ్యక్షుడు షేక్ రాసిద్, పవర్ గూడ సర్పంచ్ రాజేందర్, డీసీసీ కార్యవర్గ సభ్యుడు ప్రకాష్, బీసీ సెల్ అధ్యక్షుడు మహేష్, మైనారిటీ సెల్ అధ్యక్షుడు అబ్బు, సేవాదళ్ అధ్యక్షుడు విక్రమ్, జిల్లా మైనారిటీ కార్యదర్శి షేక్ రహీం, కార్యదర్శి ముబారక్, సోషల్ మీడియా కోఆర్డినేటర్ సాబీర్, నాయకులు గణపత్, లక్ష్మణ్ పటేల్, కోటేశ్వర్, ఉప సర్పంచులు ఉద్దవ్, ప్రకాష్, ఇంద్రు, దత్తు తదితరులు పాల్గొన్నారు.