andhrapradesh
వందేభారత్ శిబిరానికి నలుగురు వాలంటీర్ల ఎంపిక
( మల్లికార్జున నేటి దినపత్రిక సూర్య స్టాఫ్ రిపోర్టర్)
ప్రభుత్వ కళాశాల (స్వయం) ఎన్‌ఎస్‌ఎస్‌ విభాగానికి చెందిన నలుగురు వాలంటీర్లు పుదుచ్చేరిలో ఈ నెల 6 నుంచి వారం రోజుల పాటు నిర్వహించనున్న వందేభారత్ శిబిరానికి ఎంపికయ్యారు. చందన, మహేశ్వరి, వికాస్, కల్యాణ్ ఎంపిక కావడం పట్ల కళాశాల యాజమాన్యం హర్షం వ్యక్తం చేసింది.
వికసిత భారత్ కార్యక్రమాల నిర్వహణపై యువతకు శిక్షణ ఇవ్వడం శిబిరం ప్రధాన ఉద్దేశమని తెలిపారు. ఈ సందర్భంగా ప్రధానాచార్యులు డా. పద్మశ్రీ, ఉప ప్రధానాచార్యులు శ్రీరాములు, ఎన్‌ఎస్‌ఎస్‌ ప్రోగ్రాం అధికారులు డా. నాగభూషణ, డా. బృంద, డా. సుగప్ప, డా. గోపాల్, శ్రీనివాసులు, డా. చాముండేశ్వరి వాలంటీర్లకు శుభాకాంక్షలు తెలిపారు.
