సేవా సంకల్ప్ అభియాన్‌లో ఉచిత క్యాన్సర్ పరీక్షలు
సేవా సంకల్ప్ అభియాన్‌లో ఉచిత క్యాన్సర్ పరీక్షలు
మహిళల ఆరోగ్య పరిరక్షణకు ప్రత్యేక వైద్య శిబిరం
రామచంద్రపురం ; మహిళల ఆరోగ్య పరిరక్షణకు ప్రాధాన్యతనిస్తూ సేవా సంకల్ప్ అభియాన్‌లో భాగంగా రామచంద్రపురం డివిజన్‌లో ఉచిత క్యాన్సర్ స్క్రీనింగ్ వైద్య శిబిరాన్ని నిర్వహించారు. మెదక్ పార్లమెంట్ సభ్యులు మాధవనేని రఘునందన్ రావు, రామచంద్రపురం డివిజన్ బీజేపీ అధ్యక్షులు నర్సింగ్ గౌడ్ ఆధ్వర్యంలో రామచంద్రపురం డివిజన్ పరిధిలోని ప్రైమరీ హెల్త్ సెంటర్ ఆవరణలో ఈ కార్యక్రమం జరిగింది.శిశిరా ఆసుపత్రి, శ్రేష్ట ఆసుపత్రుల సహకారంతో నిర్వహించిన ఈ వైద్య శిబిరంలో మహిళలకు ఉచిత క్యాన్సర్ సంబంధిత పరీక్షలు, స్క్రీనింగ్ సేవలు అందించారు. క్యాన్సర్‌ను ప్రారంభ దశలోనే గుర్తించి, సకాలంలో వైద్య సేవలు పొందేలా మహిళల్లో అవగాహన కల్పించడమే కార్యక్రమం ప్రధాన ఉద్దేశ్యంగా నిర్వాహకులు తెలిపారు.
ఈ సందర్భంగా వైద్యులు మహిళలకు అవసరమైన ఆరోగ్య పరీక్షలు నిర్వహించడంతో పాటు, క్యాన్సర్‌కు సంబంధించిన ముందస్తు లక్షణాలు, స్క్రీనింగ్ ప్రాముఖ్యత, ఆరోగ్యంపైతీసుకోవాల్సిన జాగ్రత్తలపై అవగాహన కల్పించారు. ఉచితంగా పరీక్షలునిర్వహించడంతో స్థానిక మహిళలు పెద్ద సంఖ్యలో ఈ సేవలను వినియోగించుకున్నారు.
కార్యక్రమంలో బీజేపీ జిల్లా అధ్యక్షురాలు గోదావరి అంజిరెడ్డి, డాక్టర్ శ్రవణ్, డాక్టర్ సింధు మాధవనేని, డాక్టర్ అరవింద్, డాక్టర్ స్పందన నల్లగండ్ల, బీజేపీ సంగారెడ్డి జిల్లా స్పోర్ట్స్ కన్వీనర్ కంజర్ల కృష్ణమూర్తి, కంజర్ల సునంద తదితరులు పాల్గొన్నారు.మహిళల ఆరోగ్య పరిరక్షణ కోసం ఇటువంటి ఉచిత వైద్య శిబిరాలు నిర్వహించడం ద్వారా ఆర్థికంగా వెనుకబడిన వర్గాల మహిళలకు వైద్య సేవలు మరింత చేరువవుతున్నాయని నిర్వాహకులు తెలిపారు. సేవా సంకల్ప్ అభియాన్ ద్వారా ప్రజలకు అవసరమైన ఆరోగ్య సేవలను అందించడమే లక్ష్యంగా ముందుకు సాగుతున్నట్లు పేర్కొన్నారు.
