మట్టి తవ్వకాలను అడ్డుకున్న గ్రామస్తులు

అనుమతుల పేరుతో నిబంధనలకు విరుద్ధంగా తవ్వకాలు.. పెద్ద గుంతలపై ఆగ్రహం

ఘట్‌కేసర్, మేజర్ న్యూస్ (అక్టోబర్ 3):
ఎదులాబాద్‌లో నిబంధనలకు విరుద్ధంగా చేపడుతున్న మట్టి తవ్వకాలను గ్రామస్తులు అడ్డుకున్నారు. మట్టి తవ్వకాలకు అనుమతులు ఉన్నప్పటికీ, వాటిని ఆసరాగా చేసుకుని నిబంధనలకు విరుద్ధంగా పెద్దపెద్ద గుంతలు తీసి మట్టిని తరలిస్తున్నారని గ్రామస్తులు ఆగ్రహం వ్యక్తం చేశారు.తవ్వకాల కారణంగా భూమి దెబ్బతినడంతో పాటు పెద్ద గుంతలు ఏర్పడుతున్నాయని వారు ఆందోళన వ్యక్తం చేశారు. దీంతో మట్టి తవ్వకాలను నిలిపివేయించి, సంబంధిత అధికారులకు సమాచారం అందించారు. అనుమతులు ఉన్నాయనే కారణంతో ఇష్టారాజ్యంగా తవ్వకాలు చేపట్టడం సరికాదని గ్రామస్తులు పేర్కొన్నారు.నిబంధనలకు అనుగుణంగా మాత్రమే మట్టి తవ్వకాలు చేపట్టేలా అధికారులు చర్యలు తీసుకోవాలని, భూమిని దెబ్బతీసేలా పెద్ద గుంతలు తీయకుండా పర్యవేక్షించాలని వారు కోరారు. ఈ విషయాన్ని మైనింగ్ అధికారులు, తహసీల్దార్ దృష్టికి తీసుకెళ్లినట్లు గ్రామస్తులు తెలిపారు.ఈ కార్యక్రమంలో ఎదులాబాద్ డివిజన్ కాంగ్రెస్ అధ్యక్షుడు సామల అమరేందర్, సింగిల్‌విండో డైరెక్టర్ ఉదయ్‌కుమార్‌రెడ్డి, నాయకులు శంకరప్ప, జమాల సత్యయ్య, గంగయ్య తదితరులు పాల్గొన్నారు.

రిపోర్టర్ గుర్రం రమేష్.