వందవాగిలిలో బాలల హక్కుల వారోత్సవ కార్యక్రమం

వందవాగిలిలో బాలల హక్కుల వారోత్సవ కార్యక్రమం 
హొళగుంద, సూర్య ప్రతినిధి:
కర్నూలు జిల్లా హొళగుంద మండలం వందవాగలి గ్రామంలో శనివారం ఎం వి ఫౌండేషన్ ఆధ్వర్యంలో బాలల హక్కుల వారోత్సవ వేడుకలు కారకం ఘనంగా నిర్వహించారు.ఎంవి ఫౌండేషన్ మండల కోఆర్డినేటర్ సేవా నాయక్ మాట్లాడుతూ.ఈ సందర్భంగా బాల కార్మిక వ్యవస్థను నిర్మూలించాలని, బాల్యవివాహాలను పూర్తిగా వ్యతిరేకించాలని, ప్రతి బాలబాలికకు విద్య, సమాన హక్కులు, రక్షణ కల్పించాలని నిర్వాహకులు పిలుపునిచ్చారు.
బాలల్లో దాగి ఉన్న ప్రతిభను వెలికితీసేందుకు కబడ్డీ, ఖోఖో, మ్యూజికల్ చైర్, డ్రాయింగ్ పోటీలు, ఉపన్యాస పోటీలు నిర్వహించారు.విద్యార్థులు ఎంతో ఉత్సాహంగా పోటీల్లో పాల్గొని తమ ప్రతిభను ప్రదర్శించారు.
ఈ పోటీల నిర్వహణకు దాతలుగా సత్యనారాయణ, మాజీ సర్పంచ్ శేషప్ప, మాజీ ఎంపీటీసీ నాగప్పలు సహకారం అందించారు.
ఈ కార్యక్రమానికి విజయ్, రెమిడియల్ టీచర్ సుష్మ, గ్రామ పెద్దలు, యువజన సంఘాల ప్రతినిధులు పాల్గొన్నారు.కార్యక్రమం చివరిలో ఆటల పోటీలకు సహకరించిన దాతలను శాలువాలతో ఘనంగా సత్కరించి కృతజ్ఞతలు తెలిపారు.
టి.ఉమాపతి, సూర్య ప్రతినిధి కర్నూలు జిల్లా