వినుకొండలో కూటమి భారీ ప్రచార ర్యాలీ చీఫ్ విప్ జీవీ ఆంజనేయులు

వినుకొండ: మున్సిపల్ ఎన్నికల ప్రచారంలో భాగంగా శుక్రవారం ప్రభుత్వ చీఫ్ విప్, ఎమ్మెల్యే జీవీ ఆంజనేయులు ఆధ్వర్యంలో కూటమి భారీ ర్యాలీ నిర్వహించింది. గంగినేని కళ్యాణ మండపం నుంచి పట్టణ ప్రధాన వీధుల మీదుగా ర్యాలీ ఉత్సాహంగా సాగింది. ఈ సందర్భంగా ఆంజనేయులు మాట్లాడుతూ మున్సిపల్ చైర్మన్ అభ్యర్థి చెరుకుంపాలెం షమీం ఖాన్‌తో పాటు 36 వార్డుల కౌన్సిలర్ అభ్యర్థులను భారీ మెజార్టీతో గెలిపించాలని కోరారు. పట్టణంలో రూ.280 కోట్లతో అభివృద్ధి పనులు చేపట్టామని, రూ.240 కోట్లతో తాగునీటి సమస్యకు శాశ్వత పరిష్కారం చూపుతున్నామని తెలిపారు. వినుకొండ సమగ్రాభివృద్ధికి కూటమిని గెలిపించాలని పిలుపునిచ్చారు. కార్యక్రమంలో జీడీసీసీబీ చైర్మన్ మల్లికార్జునరావు, కూటమి నాయకులు, కార్యకర్తలు పెద్ద సంఖ్యలో పాల్గొన్నారు.

మల్లికార్జున్ రావు పల్నాడు జిల్లా ఇన్చార్జి..