విజయవంతంగా కొనసాగుతున్న పోషణ మాసో త్సవాలు :

అంగరంగ వైభవంగా పోషకాలపై స్టాల్ ప్రదర్శన :  

తె ర్లాం సెప్టెంబర్ 30 :  మేజర్ న్యూస్ : ఈనెల 9 వ తేదీ నుంచి ప్రారంభమైన పోషణ మాసో త్సవాలు విజయవంతంగా కొనసాగుతున్నాయి. బుధవారం  తె ర్లాం  లోగల అంగన్వాడి కేంద్రం-3 లో జరిగిన పోషణ మాసోత్సవాలు తోపాటు అంగన్వాడి ఉత్సవాలు అంగరంగ వైభవంగా నిర్వహించారు. ఈ సందర్భంగా  బాడంగి స్త్రీ శిశు సంక్షేమ శాఖ ప్రాజెక్ట్ అధికారిని ఎల్. సుజాత ముఖ్య అతిథిగా హాజరయ్యారు. ఈ సందర్భంగా పోషక పదార్థాలు పోషకాలు పై ఏర్పాటు చేసిన ప్రదర్శన అందర్నీ ఆకట్టుకున్నాయి. పప్పు దినుసులు కాయగూరలు పోషకాలు వంటి పదార్థాలను ఏర్పాటు చేసి గర్భిణీలకు బాలింతలకు తల్లులకు అవగాహన  కల్పించారు. ఈ సందర్భంగా ఆమె మాట్లాడుతూ ముఖ్యంగా చిన్నారులకు పోషక పదార్థాలను ప్రోటీన్ వంటి పోషకాలను అందించాలని వారికి సంపూర్ణ ఆరోగ్యం కలిగేలా ఆహారం తీసుకోవాలని ఆమె సూచించారు. ప్రతి తల్లి తెలుసుకోవలసినది బలమైన ఆహారం పుట్టిన శిశువుకు అందించి  తన ఆరోగ్యకరంగా ఉండే విధంగా జాగ్రత్తలు పాటించాలని ఆమె మరోసారి సూచించారు. ఇప్పటికే కేంద్ర రాష్ట్ర ప్రభుత్వాలు పథకాల ద్వారా అందిస్తున్న పోషణ అభియాన్ పథకాన్ని బాలామృతం సద్విని చేసుకోవాలన్నారు. చిన్నపిల్లలకు ఆటపాటలతో వారికి సరైన రీతిలో సేవలు అందించాలని అంగన్వాడి కార్యకర్తలకు ఆదేశించారు. క్రమం తప్పకుండా గర్భిణీలు బాలింతలు ఆరోగ్య జాగ్రత్తలు తీసుకుంటే తమ పిల్లలకు సంపూర్ణ ఆరోగ్యాన్ని కలిగించేలా వారు అవుతారనీ ఆమె భావించారు. అదేవిధంగా సెక్టార్ సూపర్వైజర్ ఎస్. ఈశ్వరమ్మ పలు రకాల సూచనలు సలహాలు అందించారు కార్యక్రమంలో వారితోపాటు కార్యకర్తలు వై శ్రీదేవి  వి .సింహాచలం జి .లక్ష్మి విజయ  సునీత  దీప పలు కేంద్రాల కార్యకర్తలు గర్భిణీలు తల్లులు పిల్లలు పాల్గొన్నారు.