విద్యార్థులకు అన్నదానం అవగాహన

(మల్లికార్జున నేటి దినపత్రిక సూర్య స్టాఫ్ రిపోర్టర్)

అనంతపురంలోని కోవూరు నగర్ ఎయిమ్ ఫర్ సేవ ఆశ్రమంలో నిత్యసురభి చారిటబుల్ ట్రస్ట్, పుట్టినిల్లు ఆశ్రమం ఆధ్వర్యంలో విద్యార్థులకు అన్నదానం, అవగాహన కార్యక్రమం నిర్వహించారు.
భరద్వాజ గోత్రం రమణిబాబా పుణ్యతిథి సందర్భంగా శిష్యుల సహకారంతో అన్నప్రసాదం, బియ్యం ప్యాకెట్లు, స్నాక్స్ అందించారు.
ఈ సందర్భంగా డాక్టర్ ఎస్. నిర్మలమురళి విద్యార్థులకు ఉన్నత లక్ష్యాలను ఏర్పరచుకుని కష్టపడి చదవాలని సూచించారు.
విద్యలో సాధించిన విజయం భవిష్యత్తులో జీవిత విజయానికి దోహదపడుతుందని తెలిపారు.
తల్లిదండ్రులను గౌరవిస్తూ విద్యార్థి దశలో మంచి విషయాలను నేర్చుకోవాలని అవగాహన కల్పించారు.
కార్యక్రమంలో స్వామి సత్యాత్మానంద, మేనేజర్ చక్రపాణి తదితరులు పాల్గొన్నారు.