స్వచ్ఛత హి సేవలో భాగంగా భారీ స్వచ్ఛత ర్యాలీ - పాల్గొన్న ఎమ్మెల్యే

తాడేపల్లిగూడెం, మేజర్ న్యూస్; తాడేపల్లిగూడెం పురపాలక సంఘం ఆధ్వర్యంలో స్వచ్ఛత హి సేవ - 2026_ కార్యక్రమంలో భాగంగా ఈరోజు 7వ వార్డు షాదీఖానా నుండి స్వచ్ఛతపై అవగాహన ర్యాలీ నిర్వహించారు. ఈ ర్యాలీకి ముఖ్యఅతిథిగా తాడేపల్లిగూడెం శాసనసభ్యులు బొలిశెట్టి శ్రీనివాస్ హాజరై ర్యాలీని  ప్రారంభించారు. ఈ ర్యాలీ షాదీఖానా నుండి ప్రారంభమై ప్రధాన వీధుల మీదుగా సాగింది. పురపాలక అధికారులు, సచివాలయ సిబ్బంది, మహిళా సంఘాలు "స్వచ్ఛ తాడేపల్లిగూడెం - సుందర తాడేపల్లిగూడెం" అనే నినాదాలతో ప్రజల్లో చైతన్యం కల్పించారు. ప్లాస్టిక్ నిషేధం, చెత్త వేరు చేసి ఇవ్వడం పై అవగాహన కల్పించారు. ఈ కార్యక్రమంలో అసిస్టెంట్ కమిషనర్ డి భవాని బాబు, అసిస్టెంట్ సిటీ ప్లానర్ జి సీతారాం ,రెవెన్యూ ఆఫీసర్ పి ప్రసాద్ రావు ,శానిటేషన్ సూపర్వైజర్ సోమేశ్వర రావు, ఎన్విరాన్మెంటల్ ఇంజనీర్ హరీష్ , మున్సిపల్ అధికారులు, వార్డు సచివాలయ సిబ్బంది, ప్రజలు, కూటమి నాయకులు పెద్ద ఎత్తున పాల్గొన్నారు.

 శ్రీనివాస్ తాడేపల్లిగూడెం