విద్యార్థుల ప్రతిభకు వేదికగా స్టూడెంట్ లెడ్ కాన్ఫరెన్స్.
గన్నవరం, అక్టోబర్ 1, మేజర్ న్యూస్.
స్థానిక విద్యానగర్‌లోని నారాయణ ఇంగ్లీష్‌ మీడియం పాఠశాలలో గురువారం స్టూడెంట్ లెడ్ కాన్ఫరెన్స్ (ఎస్‌ఎల్‌సీ) కార్యక్రమాన్ని ఘనంగా నిర్వహించారు. విద్యార్థులు తాము నేర్చుకున్న అంశాలను ప్రయోగాత్మకంగా ప్రదర్శిస్తూ ఉపాధ్యాయుల మాదిరిగా తల్లిదండ్రులకు వివరించారు. విద్యార్థులు ఎలాంటి భయాందోళన లేకుండా తమ భావాలను, సృజనాత్మకతను ప్రదర్శించడం ఆకట్టుకుంది. పాఠ్యాంశాలతో పాటు నారాయణ వ్యవస్థలోని ‘ఎన్‌ లెర్న్‌ ఈ కిడ్స్‌’ కార్యక్రమాల ద్వారా నేర్చుకున్న అంశాలను కూడా విద్యార్థులు ప్రదర్శించారు. విద్యార్థులను ప్రతిభావంతులుగా తీర్చిదిద్దుతున్న ఉపాధ్యాయుల కృషిని పాఠశాల ప్రిన్సిపాల్‌ షేక్‌ మస్తాన్‌ భాషా అభినందించారు. తమ పిల్లల ప్రతిభను చూసి తల్లిదండ్రులు ఆనందం వ్యక్తం చేస్తూ ఉపాధ్యాయులను అభినందించారు. కార్యక్రమంలో క్లస్టర్‌ ప్రిన్సిపాల్‌ రాజేష్‌, ఈ కిడ్స్‌ ఆర్‌అండ్‌డీ మారియా పాట్రిక్‌, కోఆర్డినేటర్‌ సరళా ఆలీషా, వైస్‌ ప్రిన్సిపాల్‌ సుప్రజ, ఉపాధ్యాయులు, ఉపాధ్యాయేతర సిబ్బంది పాల్గొన్నారు.
