వెంకటేశ్వర స్వామి ఆలయానికి భక్తుల భారీ విరాళాలు

పెరవలి మేజర్ న్యూస్ | పెరవలి: తూర్పుగోదావరి జిల్లా పెరవలి మండలం అన్నవరప్పాడు గ్రామంలోని శ్రీ వెంకటేశ్వర స్వామివారి ఆలయ పునర్నిర్మాణానికి భక్తులు అండగా నిలుస్తున్నారు. ఆలయ అభివృద్ధి కోసం చేపట్టిన పనులకు తమ వంతు సహకారంగా భక్తులు పెద్ద మొత్తంలో విరాళాలు అందిస్తున్నారు.

సెప్టెంబర్ 26న శనివారం వివిధ ప్రాంతాల నుంచి భక్తులు పెద్ద సంఖ్యలో ఆలయానికి చేరుకుని స్వామివారిని దర్శించుకున్నారు. అనంతరం ఆలయ పునర్నిర్మాణానికి విరాళాలు సమర్పించారు. ఖండవల్లికి చెందిన అతికాల సుబ్బారావు, సూర్యకాంతం దంపతులు రూ.1,00,116, మైపాల చంద్రరావు, సావిత్రి దంపతులు రూ.1,01,116 విరాళాలు అందించారు.

పెరవలి మండల టీడీపీ అధ్యక్షుడు అతికాల వెంకట రామకృష్ణమ్మ (శ్రీను), ప్రభావతి దంపతులు రూ.10,116, మైపాల సత్యనారాయణ, లక్ష్మి దంపతులు రూ.11,111 సమర్పించారు. గండేపల్లి మండలం మల్లేపల్లికి చెందిన కర్రి శివకృష్ణ, రామలక్ష్మి దంపతులు కుటుంబ సభ్యులతో కలిసి రూ.11,116 విరాళంగా ఇచ్చారు.

రేలంగికి చెందిన పులుపు శ్రీను, అక్కమాంబ దంపతులు, తణుకుకు చెందిన నక్కా సతీష్, దివ్య దంపతులు, పెరవలికి చెందిన దొంగా మణిరత్నం, సంధ్య దంపతులు చెరో రూ.10,116 అందించారు. పైడిపర్రుకు చెందిన పండూరి నరేష్ కుమార్, శ్రీదేవి దంపతులు, గోపాలపురానికి చెందిన ముత్యాల వీర రాఘవులు, దుర్గాభవాని దంపతులు, సోమిశెట్టి సత్తిబాబు, రమ్య దంపతులు కూడా రూ.10,116 చొప్పున విరాళాలు సమర్పించారు.

పెరవలికి చెందిన ఆండ్రాతు బాలయోగి, నాగకుమారి దంపతులు, పిట్టలవేమవరానికి చెందిన వెంకటరామారెడ్డి కుటుంబ సభ్యులు రూ.10,116 చొప్పున అందించారు. ఆర్. ఖండ్రిగకు చెందిన బందెల మల్లిఖార్జునరావు, దుర్గాభవాని దంపతులు రూ.10,116, అన్నవరప్పాడుకు చెందిన యరగం దుర్గా సత్యనారాయణ, కుసుమాంజలి లక్ష్మీ ప్రసన్న దంపతులు రూ.11,116 విరాళంగా ఇచ్చారు.

అయితంపూడికి చెందిన అందే శ్రీనివాసరావు, సరస్వతి దంపతులు గతంలో సెప్టెంబర్ 5న రూ.5,116 అందించగా, తాజాగా మరో రూ.5,000 సమర్పించారు. దీంతో వారి మొత్తం విరాళం రూ.10,116కు చేరింది. రామన్నపాలెంకు చెందిన యర్రంశెట్టి వెంకట సుబ్బారావు, సుభద్ర దంపతులు రూ.10,116, అయితంపూడికి చెందిన ఉప్పులూరి అప్పారావు, సూర్యపెద్ది లక్ష్మీకుమారి దంపతులు రూ.10,206 విరాళంగా అందించారు.

ఆలయ పునర్నిర్మాణానికి భక్తుల నుంచి లభిస్తున్న స్పందనపై ఆలయ కార్యనిర్వహణాధికారి మీసాల రాధాకృష్ణ, దేవస్థానం పాలకమండలి సభ్యులు, గ్రామస్తులు సంతోషం వ్యక్తం చేశారు. భక్తుల సహకారంతో పనులను వేగంగా పూర్తి చేసి, రాబోయే పుష్కరాల నాటికి ఆలయాన్ని అందుబాటులోకి తీసుకురావడానికి చర్యలు చేపడుతున్నట్లు తెలిపారు.