వెండి రథంపై ఊరేగనన్న వాసవి మాత

తాడేపల్లిగూడెం, మేజర్ న్యూస్; తాడేపల్లిగూడెం ఏలూరు రోడ్ లో వేంచేసి ఉన్న శ్రీ వాసవి కన్యకా పరమేశ్వరి పంచాయతన క్షేత్రంలో వాసవి మాత సుమారు 450 కిలో ల వెండితో చేసిన రథంపై పట్టణ పురవీధులలో ఊరేగనున్నారు

. ఆదివారం మధ్యాహ్నం నుండి ఆలయం వద్ద పూజాది క్రతువులు నిర్వహించిన తర్వాత పట్టణంలోని ప్రధాన రహదారులలో అమ్మవారి రథోత్సవం వైభవంగా జరగనుంది. ఆరు రాష్ట్రాలకు చెందిన 225 మంది కళాకారులతో ఇప్పటివరకు ఎక్కడ కనివిని ఎరగని రీతిలో వివిధ రకాల కళాకారులతో అమ్మవారి రథోత్సవం జరుగుతుందని రథోత్సవ కమిటీ చైర్మన్ నారాయణ రాంబాబు ఒక ప్రకటనలో తెలియజేశారు. గౌరవాధ్యక్షులు మారం వెంకటేశ్వరరావు, ఉత్సవ కమిటీ చైర్మన్ వబిలిశెట్టి నటరాజ్ ల పర్యవేక్షణలో శ్రీ ఆర్యవైశ్య సంఘం అధ్యక్షులు కొర్లపర రాము, కార్యదర్శి సుందర రావు, కోశాధికారి బోగవల్లి రమేష్ ఆలయ కార్యదర్శులు, వాసవి క్లబ్ సభ్యులు, వనిత క్లబ్ సభ్యులు, ఆర్యవైశ్య మహిళా సంఘం, ప్రపంచ ఆర్యవైశ్య మహాసభ, ఐ వి ఎఫ్ నాయకులు సహాయ సహకారాలతో ఈ కార్యక్రమంలో నిర్వహించబడుతుందని తెలియజేశారు.

రిపోర్టర్ శ్రీనివాస్, తాడేపల్లిగూడెం, పశ్చిమగోదావరి జిల్లా.