వెల్దుర్తిలో బాలుడు మాయం

వెల్దుర్తి (మేజర్ న్యూస్): హెయిర్ కటింగ్ కోసమని ఇంట్లో చెప్పి బయటకు వెళ్లిన 13 ఏళ్ల బాలుడు తిరిగి రాకుండా అదృశ్యమైన సంఘటన వెల్దుర్తి మండలంలో చోటుచేసుకుంది. పోలీసులు మరియు స్థానికులు తెలిపిన వివరాల మేరకు... లక్ష్మీపల్లె గ్రామానికి చెందిన బోయ పెద్ద అయ్యస్వామి కుమారుడు బోయ జగన్ మోహన్ (అలియాస్ చింటూ - 13) ఆదివారం (నవంబరు 8) సాయంత్రం 5 గంటల సమయంలో సమీపంలోని గోవర్ధనగిరి గ్రామానికి హెయిర్ కట్ చేయించుకునేందుకు వెళ్తున్నట్లు ఇంట్లో చెప్పి బయలుదేరాడు. రాత్రి అయినా బాలుడు ఇల్లు చేరకపోవడంతో కంగారుపడిన కుటుంబసభ్యులు బంధువులు, పరిసర గ్రామాల్లో గాలించినా ఆచూకీ లభించలేదు. దీంతో పోలీసులకు ఫిర్యాదు చేశారు.ఈ బాలుడి ఆచూకీ తెలిసినవారు 9063006307 లేదా వెల్దుర్తి ఎస్‌ఐ ఫోన్ నంబరు 9121101118కు సమాచారం అందించాలని ఎస్‌ఐ విజ్ఞప్తి చేశారు.