రైతు గర్జన సభకు తరలిరావాలి.

సూర్య దస్తురబాద్ : మండల కేంద్రంలో బీఆర్ఎస్ పార్టీ ఆధ్వర్యంలో సన్నాహక సమావేశం నిర్వహించారు. ఈ సందర్భంగా  బీఆర్ఎస్ పార్టీ  మండల అధ్యక్షుడు ముడికే ఐలయ్య యాదవ్ మాట్లాడుతూ.. ఈ నెల 11న జిల్లా కేంద్రంలో బి ఆర్ ఎస్ పార్టీ వర్కింగ్ ప్రెసిడెంట్ కేటీఆర్ ఆధ్వర్యంలో నిర్వహించనున్న రైతు గర్జన సభను విజయవంతం చేయాలని పిలుపునిచ్చారు. మండలం నుంచి  వెయ్యిల సంఖ్యలో   మందిని సభకు తరలించేలా నాయకులు, కార్యకర్తలు సమన్వయంతో పనిచేయాలని సూచించారు. ప్రతి గ్రామం నుంచి రైతులు, పార్టీ శ్రేణులు పెద్ద సంఖ్యలో తరలివచ్చి సభను విజయవంతం చేయాలని కోరారు.ఆయా గ్రామాల సర్పంచ్ లు, మాజీ ప్రజాప్రతినిధులు, నాయకులు, కార్యకర్తలు, తదితరులు పాల్గొన్నారు.