వెల్దుర్తి మేజర్ గ్రామపంచాయతీ 2వ వార్డులో బొమ్మన రామ్ కాంత్ రెడ్డి ఇంటింటి ప్రచారం

వెల్దుర్తి, మేజర్ న్యూస్: వెల్దుర్తి మేజర్ గ్రామపంచాయతీ సర్పంచ్ అభ్యర్థి బొమ్మన రామ్ కాంత్ రెడ్డి ఆదివారం 2వ వార్డులో విస్తృతంగా ఇంటింటి ప్రచారం నిర్వహించారు. వార్డులోని ప్రతి ఇంటికి వెళ్లి ఓటర్లను ఆప్యాయంగా పలకరిస్తూ తన ఎన్నికల గుర్తుకు ఓటు వేసి భారీ మెజారిటీతో గెలిపించాలని అభ్యర్థించారు.ఈ సందర్భంగా ఆయన మాట్లాడుతూ.. గ్రామపంచాయతీని అన్ని రంగాల్లో ఆదర్శంగా తీర్చిదిద్దడమే తన లక్ష్యమని పేర్కొన్నారు. 2వ వార్డులో నెలకొన్న తాగునీరు, అంతర్గత రహదారులు, డ్రైనేజీ వంటి మౌలిక వసతుల సమస్యలను గెలిచిన వెంటనే ప్రాధాన్యతా క్రమంలో పరిష్కరిస్తానని హామీ ఇచ్చారు. ప్రజలకు ఎల్లప్పుడూ అందుబాటులో ఉండి సేవ చేస్తానని తెలిపారు. ప్రచారంలో భాగంగా వార్డులోని పలువురు గ్రామ పెద్దలు, యువకులు, మహిళలు ఆయనకు ఘనస్వాగతం పలికారు. ఈ కార్యక్రమంలో స్థానిక నాయకులు, కార్యకర్తలు, అభిమానులు పెద్ద ఎత్తున పాల్గొన్నారు.