వైసిపి నాయకులపై దాడి చేసిన వారిపై అటెం చర్యలు తీసుకోవాలి కడప ఎంపీ వైఎస్ అవినాష్ రెడ్డి

పులివెందుల మేజర్ న్యూస్.
లింగాల మండలం ఇప్పట్ల గ్రామంలో వైసీపీ నాయకులపై టీడీపీ నాయకులు దాడి చేసి గాయపరిచారని ఆరోపిస్తూ కడప పార్లమెంటు సభ్యుడు వైఎస్‌ అవినాష్‌రెడ్డి సోమవారం సాయంత్రం పులివెందుల రూరల్‌ పోలీస్‌ స్టేషన్‌ సీఐ శాంతిలాల్‌కు ఫిర్యాదు చేశారు.
జెడ్పీటీసీ, ఎంపీటీసీ ఎన్నికల నోటిఫికేషన్‌ విడుదలైన నేపథ్యంలో, ఎంపీటీసీ అభ్యర్థులకు మద్దతుగా నిలుస్తున్న వైసీపీ నాయకులపై దాడి జరిగినట్లు ఆయన ఫిర్యాదులో పేర్కొన్నారు. ఇప్పట్ల గ్రామానికి చెందిన వైసీపీ నాయకులు సూర్యనారాయణరెడ్డి, నిరంజన్‌రెడ్డిపై టీడీపీ నాయకులు ఓబుల్‌రెడ్డి, మనోహర్‌రెడ్డి దాడి చేసినట్లు ఆరోపించారు.
దాడిలో గాయపడిన బాధితులతో కలిసి పోలీస్‌ స్టేషన్‌కు వెళ్లిన ఎంపీ వైఎస్‌ అవినాష్‌రెడ్డి, ఘటనపై సమగ్ర విచారణ జరిపి, బాధ్యులపై కఠిన చర్యలు తీసుకోవాలని సీఐ శాంతిలాల్‌ను కోరారు.

పి. కృష్ణ పులివెందుల స్టాఫ్ రిపోర్టర్ కడప జిల్లా