వైసీపీ అభ్యర్థుల గెలుపు కోసం రాచానుపల్లిలో విస్తృత ప్రచారం

అనంతపురము రూరల్ మేజర్ న్యూస్ : అనంతపురం రూరల్ మండలం వైసీపీ జడ్పిటిసి అభ్యర్థి రోహిణి, రాచానుపల్లి  ఎంపీటీసీ 2 అభ్యర్థి లక్ష్మీని గెలిపించాలని.. వైసీపీ నాయకులు, కార్యకర్తలు శుక్రవారం సిండికేట్ నగర్ లో విస్తృతంగా ఎన్నికల ప్రచారం నిర్వహించారు.  ఈ సందర్భంగా వైసీపీ నాయకులు, కార్యకర్తలు ఇంటింటికి తిరుగుతూ... నవంబర్  5 న జరిగే ఎంపీటీసీ, జడ్పిటిసి ఎన్నికల్లో..  వైసిపి అభ్యర్థులను బలపరిచి గెలిపించాలని.. ప్రజలను అభ్యర్థించారు. ఈ సందర్భంగా గత వైసిపి ఐదేళ్ల పాలనలో.. అభివృద్ధి.. సంక్షేమ పథకాలను.. పారదర్శకంగా లబ్ధిదారుల ఇంటి వద్దకే అందించడం జరిగిందని.. ఇచ్చిన హామీలన్నిటిని ముఖ్యమంత్రి వైయస్ జగన్మోహన్ రెడ్డి నెరవేర్చారని ప్రజలకు వివరించారు. గత రెండున్నర సంవత్సరాల కూటమి ప్రభుత్వ పాలనలో.. సూపర్ సిక్స్ హామీలను.. అమలు చేయకుండా దగా చేసిందని తెలియజేశారు.  18 సంవత్సరాలు నిండిన ప్రతి మహిళకు ఆడబిడ్డ నిధి పథకం ద్వారా రూ. 1500 ఇస్తామని.. చెప్పి రెండున్నర సంవత్సరాలైనా అమలు చేయలేదని ప్రజలకు వివరించారు. 50 సంవత్సరాలు నిండిన ప్రతి ఒక్కరికి పింఛన్ ఇస్తామని... ఇంతవరకు ఒక్క కొత్త పెన్షన్ ఇవ్వలేదని.. నిరుద్యోగులకు నిరుద్యోగ భృతి..   నెలనెలా రూ . 3000 ఇస్తామని .. ఇంతవరకు ఒక్క రూపాయి కూడా ఇవ్వలేదన్నారు.  అధికారం కోసం.. కూటమి పార్టీలు హామీలు ఇచ్చి అధికారంలోకి వచ్చాయి తప్ప... ప్రజల సంక్షేమం కోసం కాదని... నాయకులు తెలియజేశారు. ప్రజలు కూటమి అబద్ధపు హామీలను నమ్మి..  మరోసారి మోసపోవద్దని.... వైసీపీ అభ్యర్థులకు ఓట్లు వేసి గెలిపించాలని వారు కోరారు. ఈ కార్యక్రమంలో గ్రామపంచాయతీ వైసీపీ నాయకులు, కార్యకర్తలు పాల్గొన్నారు.