తుమ్మపాల సర్పంచ్ అభ్యర్థిగా ఆడారి జగదీశ్వరమ్మ నామినేషన్.

అనకాపల్లి, నవంబర్ 15, మేజర్ న్యూస్: అనకాపల్లి నియోజకవర్గం తుమ్మపాల గ్రామ సర్పంచ్ అభ్యర్థిగా ఆడారి గోవిందరావు మాస్టారి సతీమణి ఆడారి జగదీశ్వరమ్మ నామినేషన్ దాఖలు చేశారు. నామినేషన్ కార్యక్రమంలో రాష్ట్ర అర్బన్ ఫైనాన్స్ అండ్ ఇన్‌ఫ్రాస్ట్రక్చర్ డెవలప్‌మెంట్ కార్పొరేషన్ చైర్మన్, మాజీ ఎమ్మెల్యే, అనకాపల్లి నియోజకవర్గ టీడీపీ ఇన్‌చార్జి పీలా గోవింద సత్యనారాయణ పాల్గొన్నారు. ఈ సందర్భంగా అభ్యర్థి ఆడారి జగదీశ్వరమ్మతో కలిసి పీలా గోవింద సత్యనారాయణ స్వయంగా తుమ్మపాల పంచాయతీ కార్యాలయంలోని రిటర్నింగ్ అధికారికి నామినేషన్ పత్రాలు అందజేశారు. అనంతరం నిర్వహించిన నామినేషన్ ర్యాలీలో పాల్గొని అభ్యర్థికి మద్దతు తెలిపారు. కార్యక్రమంలో రాష్ట్ర గవర కార్పొరేషన్ చైర్మన్ మళ్ళ సురేంద్ర, మండల టీడీపీ అధ్యక్షులు కర్రీ బాబి, అనకాపల్లి ఎంపీపీ బొడ్డపాటి నారాయణమ్మ రాంకుమార్, ఎంపీటీసీలు, తుమ్మపాల పంచాయతీ గ్రామ పెద్దలు, గ్రామ నాయకులు, తెలుగు యువత నాయకులు, కూటమి నాయకులు, మహిళలు, పార్టీ కార్యకర్తలు, అభిమానులు భారీ సంఖ్యలో పాల్గొన్నారు.