రాజ్యాంగ దినోత్సవ సందర్భంగా చిత్తూరు మెకానిక్ మైదానంలో ఫుట్‌బాల్ టోర్నీ—ఎ మ్మెల్యే గురజాల చేతుల మీదుగా ఘన ప్రారంభం
చిత్తూరు అర్బన్ మేజర్ న్యూస్”
భారత 77వ రాజ్యాంగ దినోత్సవ వేడుకల్లో భాగంగా చిత్తూరు నగరంలోని మెకానిక్ మైదానంలో ఆదివారం వన్‌డే సెవెన్స్ ఫుట్‌బాల్ టోర్నమెంట్ ఉత్సాహభరిత వాతావరణంలో ప్రారంభమైంది. ఎన్‌హెచ్‌ఆర్‌ఏసీఏసీబీపీ, ఏపీఎస్‌సీడబ్ల్యూఏ సంస్థల ఆధ్వర్యంలో నిర్వహించిన ఈ పోటీలను చిత్తూరు ఎమ్మెల్యే గురజాల జగన్‌మోహన్ ప్రారంభించారు.
ఈ సందర్భంగా ఎమ్మెల్యే ఫుట్‌బాల్ జట్ల సభ్యులను పరిచయం చేసుకుని క్రీడాకారులను అభినందించారు. అనంతరం స్వయంగా ఫుట్‌బాల్ ఆడి పోటీలను ప్రారంభించారు. రాజ్యాంగ దినోత్సవాన్ని పురస్కరించుకుని క్రీడా పోటీలను నిర్వహించడం అభినందనీయమని, ఇలాంటి కార్యక్రమాలు యువతలో క్రీడాస్ఫూర్తి, ఐకమత్యం, క్రమశిక్షణను పెంపొందిస్తాయని పేర్కొన్నారు. ఈ కార్యక్రమాన్ని నిర్వహించిన నిర్వాహకులను ప్రత్యేకంగా అభినందించారు.
కార్యక్రమంలో చుడా చైర్‌పర్సన్ కఠారి హేమలత, మాజీ ఎమ్మెల్సీ బీఎన్ రాజసింహులు, నిర్వాహకులు చిట్టిబాబు,
టిడిపి ప్రధాన కార్యదర్శి పచ్చప్ప, టిడిపి మహిళా అధ్యక్షురాలు లీలావతి.52వ
డివిజన్ కార్పొరేటర్ చందు, రాజేష్ రెడ్డి, గోపాల్, ఇందు,కూటమి నాయకులు, వివిధ సంఘాల సభ్యులు, క్రీడాకారులు పాల్గొన్నారు.
చిత్తూరు అర్బన్ రిపోర్టర్, లవకుమార్
